ကက်ပရီကွန်သို့


မိုးတွေ အငြိုးတကြီး သွန်းဖြိုးခဲ့သည့် လမှာ သူမကို မွေးဖွားခဲ့သည်။ မိုးစက်၊ မိုးပေါက်တို့၏ ရိုက်ခတ်သံက မြေပြင်ကိုလား၊ သစ်ရွက်ကိုလား ဆိုတာကိုတော့ မည်သူမှ ဝေခွဲ မရနိုင်ခဲ့သည့် အချိန်ဖြစ်သည်။ မနက် နှစ်နာရီသည် နီရဲနေသော ကောင်းကင်ကို လျှပ်စစ် မီးများဖြင့် တန်ဆာ ဆင်စေခဲ့သည်။ တ၀ုန်းဝုန်း ပစ်ချနေသည့် မိုးကြိုးများတွင် အလင်းရောင် တစ်စွန်းတစ်စ ယှက်နွယ် သန်းသွားလေသည်။

သြဂုတ်လ၏ ထစ်ချုန်းနေသော မိုးရေကြားမှ အသံသည် ဆေးရုံကြီး၊ ထိုမှ တစ်ဆင့် ရန်ကုန် မြို့၊ ထိုမှတစ်ဆင့် ကောင်းကင်ဆီ ငုပ်လျှိုး ကွယ်ပျောက် သွားခဲ့သည်။
“အူဝဲ”

အမိဝမ်းမှ လတ်လတ်ဆတ်ဆတ် ကျွတ်လာသော နီတာရဲကလေးကို ကလေး ဆရာဝန်မကြီး က တယုတယ စစ်ဆေးနေသည်။ မီးတွင်းထဲမှ မိခင်ကို အားရစေခဲ့သော နောက်ထပ် အသံ တစ်ခု။
“ဟယ် သမီးလေးတော့”

မိခင်၏အမောသည် မျှော်မှန်းထားသည့် ရလဒ်ပုံစံခွက်ထဲ ၀င်သွားသော ခမ်းနားသည့် အမောဖြစ်သွားခဲ့သည်။
“၁၉၈၉ ခု၊ သြဂုတ်လ (__)ရက်၊ မနက် နှစ်နာရီတစ်ဆယ့်ငါး၊ ဟာ...ဒါဆို VIRGO လေးပဲ”
ဒပ်ဖရင် ဆေးရုံကြီး၏ မွေးခန်း တစ်ခု အတွင်း အိုဂျီ၏ ၀မ်းသာအယ်လဲ ရေရွတ်သံက ပတ်ဝန်းကျင်ကို ခြုံလွှမ်းသွားသည်။ ဗုဒ္ဓဟူးနံ ဖြစ်သောသူမကို ကံကြမ္မာက ကင်ပွန်း တပ်ခဲ့ သည်။ သူမ အမည် “လင်းစက်နွယ်” ဟုခေါ် သည်။

၂။
“တွေ့ရတာ ၀မ်းသာပါတယ် လင်းစက်၊ တို့က ရန်ဇော်”
“ရန်ဇော်”ဟူသော ဆယ့်တစ်နှစ် အရွယ် ကောင်လေးကို သူမ စူးစိုက်၍ ကြည့်နေသည်။ အသားလတ်၍ သန့်ပြန့်သော အသွင်ရှိသည့် သူက သူမအား ခြေဆုံးခေါင်းဆုံးပြန်၍ အကဲခတ် သည်။ မျက်လုံးချင်း ဆုံသွားသောအခါမှ နှစ်ဦး လုံး၏ အကဲခတ်ခြင်းကို ရပ်တန့်လိုက်ရတော့ သည်။
“မင်းက တို့တီတီစီကို ငါးတန်းကမှ ပြောင်းလာတာ မဟုတ်လား”
သူက ပထ၀ီဆရာမ ၀င်မလာမီစပ်ကြား မေးလိုက်ခြင်း ဖြစ်သည်။

“ဟုတ်တယ်၊ လင်းကတော့ လှိုင်တက္ကသိုလ်မှာ တီတီစီ ကျောင်းသူ ဘ၀ ဖြစ်ခွင့်ရတာ သဘော ကျတယ်”

ထိုစဉ်က ဆဋ္ဌမတန်း နှစ်မှစ၍ အဋ္ဌမတန်း ထိ လှိုင်နယ်မြေ၌ ပြောင်းရွေ့သင်ကြားခဲ့ရသော ကာလဖြစ်သည်။ ရန်ဇော်က နှုတ်ခမ်းလေး တစ်ဖက်ကို တစ်ခြမ်းဖဲ့ ခြွေပစ်လိုက်သည်။ သူ တစ်ပါးအား သံသယ မျက်လုံးဖြင့် အမြဲတစေ စောင့်ကြပ်ခဲ့သော သူမက မြင်ဖြစ်အောင် မြင်သွားခဲ့သည်။
“လင်းဆိုတော့ ဗုဒ္ဓဟူးနံပေါ့။ တို့လည်း ဗုဒ္ဓဟူးနံ။ မင်းနဲ့ မတူချင်လှပေမယ့် သည်တစ်ခု တူသွားတာကိုတော့ ကံကြမ္မာက ဖယ်ရှားပေးနိုင်မယ် မထင်ဘူး...”

“ဒါနဲ့မင်း အရင်လက အဆင့်တစ် ရတယ်နော်။ ထားပါ။ တို့က မင်းအရင်က တစ်ရတာ၊ မရတာကို စိတ်မ၀င်စားပါဘူး။ မင်းသိပ္ပံ အမှတ် ပြည့်တာကိုပဲ စိတ်ဝင်စားတာ”

“ဘယ်လို”

“ဟုတ်တယ်၊ မင်းအဖြေလွှာထဲမှာ အမှား တစ်ခု ရှိနေတာ မင်းမသိသလို ဆရာမလည်း မတွေ့သွားခဲ့ဘူး။ အဲဒီတော့ မင်း ၁၀၀ ရနေချိန် မှာ ငါ ၉၈ ပဲရတာ။ မဆန်းပါဘူး လင်းစက်ရာ။

ကြီးမားသော ဟားတိုက်သံက သူမနှင့် ထိခတ်ပြီးနောက် စိန်ခေါ်မှု အဖြစ် အသွင်ပြောင်း သွားသည်။ စိတ်ဆန္ဒ၏ စေခိုင်းမှုနောက် ဘယ်သောအခါမှ လိုက်မည်မဟုတ်သော သူမက သူမ၏စိတ်ကို ပြန်လည်ခိုင်းစေခဲ့သည်။ ရုတ်တရက် လှစ်ခနဲ ပျောက်သွားသော ကောင်မလေး အား သူက အံ့သြတကြီး ငေးစိုက်ကြည့်နေခဲ့ သည်။

“ဒီမှာ ရန်ဇော်၊ ဆရာမကို ငါ့အမှားမြင် သွားအောင် ငါလုပ်ပေးလိုက်တယ်။ ဟောဒီမှာ ၉၈၊ ဘယ်လိုလဲ၊ ကျေနပ်တယ် မဟုတ်လား”

“ဘယ်တော့မှ မကျေနပ်ဘူး။ နောက်ပြီး လင်းစက်၊ မင်းမလာခင်က သည်အခန်းရဲ့ ဘုရင်ဟာ တို့ပဲ။ တစ်လလောက် အဆင့်သာ သွားတာဟာ ကံကြမ္မာ တိမ်းစောင်းလုိ့ လှည်းမှောက်တယ် သဘောထား ပစ်စရာပါ။ တို့က ဘယ်သူ့ကိုမှ အနိုင်မပေးတတ်ဘူးလေ”

အခန်းထဲ ပထ၀ီ ဆရာမ ၀င်လာသည့် အတွက် သူမ မတ်တတ်ရပ်လိုက်ရသည်။
“ကျန်းမာရွှင်လန်းပါစေ ဆရာမ”

၃။
သူ့နာမည်က “ရန်ဇော်”။ တစ်ဦးတည်းသော သားဖြစ်သည့် အပြင် အရာရာ ပြည့်စုံသောကြောင့် အမြင်ကတ်သူများက “ရန်လုံ”ဟု ခေါ် သည်။ အေးစက်ချမ်း စိမ့်သော ဒီဇင်ဘာမှ နှင်းစက်နှင်းပွင့်တွေနှင့်အတူ သူ့ကို မွေးဖွားခဲ့သည်။ တောင်ကြီးမြို့၏ အအေးဓာတ်သည် မိခင်နှင့် ဆက်သွယ်ထားသောကြိုးကို ဖြတ် တောက်စဉ်ကလို အေးစိမ့်နေခဲ့သည်။

“ဒုက္ခပဲ။ ကျွန်မက သမီးလိုချင်တာ၊ ခုတော့...”

ပျော်ရွှင်ရမည့်အစား ၀မ်းနည်းသံစွက်လာသော သူမ၏ မိခင်အား ဖခင်မှ စိမ်းကားစွာ ကြည့် ခဲ့သည်။ ထို့ကြောင့် “ရန်ဇော်”သည် မိဘများ၏ “အလွဲ” ပုံစံခွက်ထဲမှ မွေးဖွားခြင်း ခံရသူ ဖြစ်သည်။ မွေးပြီး တစ်နှစ်အကြာ စီးပွားရေးရာ လိုအပ်ချက်များ အရ ရန်ကုန်သို့ အခြေချသည်။ ဒီဇင်ဘာလတွင် မွေးဖွားခဲ့သော သူ့အား ဖခင်မှ 'CAPRICORN' ဟု ခေါ်သည်။

သူ့ကိုမွေးသောနေ့သည် မိဘနှစ်ပါး၏ ခေါင်းချင်းဆိုင် ရန်ပွဲအား ဖန်တီး စေခဲ့သောနေ့ ဖြစ်သည်။ သူ့အား အလိုမရှိခဲ့သောမိခင်က ခမ်းနားစွာ သမုတ်လိုက်သည်မှာ....
“မင်းဟာ လာခြင်း မကောင်းတဲ့ သား”

အငြိုးကြီးသော သူက ဘ၀၏ အမာရွတ် ထင်စေသော ရိုက်နှက်မှုကို သေရာပါ မှတ်စွဲ ထားခဲ့သည်။ သူ ခြောက်နှစ်သား အရွယ်တွင် ပထမဆုံး ဖွင့်ဟခဲ့သော စကားမှာ...
“ကျွန်တော်က ကံကြမ္မာ ရှိတဲ့ ကမ္ဘာကို လာတာ မဟုတ်ဘူး။ ကံကြမ္မာကသာ ကျွန်တော် ရှိတဲ့ ကမ္ဘာကို လာခဲ့တာ”

ဘ၀အား အရာရာကို ဒဏ်ရာဖြင့် ချိန်ထိုး တတ်သော ကလေးငယ် တစ်ဦး၏ စကားကြောင့် သူ့မိခင်က မှားယွင်းစွာ ပြင်ဆင်ရန် ကြိုးစားသည်။ သို့သော် အချိန် မလုံလောက်သေးခင်မှာပင် ရန်ဇော်က အငြိုးကြီးသော ကောင်လေး ဖြစ်သွားခဲ့သည်။ သူ၏ ပခုံးစောင်းသည် လောကကြီးကို စိန်ခေါ်ကာ တိုက်ခိုက် ပစ်နိုင်ခဲ့သည်။

၎။
“ဘယ်လို...နင့်ကို ငါက ကက်ပရီကွန်လို့ ခေါ်ရမယ်၊ ဟုတ်လား”

သူမက အလန့်တကြား ရေရွတ်လိုက်တော့ သူ့နှုတ်ခမ်းတစ်ဖက် ကော့ညွတ်သွားတာနှင့် တိုက်ဆိုင်သွားခဲ့သည်။
“အေးလေ၊ ကိုယ်လည်း မင်းကို ဗားဂိုးလို့ ခေါ်မယ်၊ ဒါနဲ့ ဆရာမ ဒေါ်ဝါ၀ါသိန်းက ဆရာများ နားနေခန်းမှာ မင်းအကြောင်း ပြောနေ ခဲ့တယ်။ အ၀ါအသင်း ခေါင်းဆောင်ကို အပြစ်ပေး မလို့တဲ့”

“ဖွတ် အဓိပ္ပာယ်မရှိတာ။ ဘာဆိုင်လို့လဲ”

သူမက လေသံကို နှိမ့်ကာ ပြောလိုက်ချိန်တွင် သူ့မျက်လုံးများက ဘုရားစင်ပေါ် ရောက်သွားခဲ့သည်။
“အ၀ါအသင်း ခေါင်းဆောင် မိန်းကလေးက ဘုရား ဝေယျာဝစ္စတွေ မလုပ်ခဲ့လို့ အ၀ါ အသင်း တစ်သင်းလုံးကို အမှတ် လျှော့ပစ်မတဲ့”

“မနက်ဖြန် စာမေးပွဲလေ။ ငါတို့အသင်းက ပန်းဝယ်နေကျ တစ်ယောက်က သည်နေ့မှ ကျောင်းမလာဘဲ...။ ပန်းမရှိတာ ငါက ဘာ တတ်နိုင်မလဲ”

“ဟားဟား...ဒါပေါ့။ မင်းဟာ ဘယ် တော့မှ Leader ကောင်း တစ်ယောက် ဖြစ်မလာ နိုင်ဘူးလို့ ငါ ကောက်ချက် ဆွဲပစ်လိုက်ရပြီ”

သူမက စူးစိုက်စွာကြည့်လိုက်စဉ် သူက ကိုယ်ကိုယို့သွားချိန်နှင့် တိုက်ဆိုင်သွားခဲ့သည်။ ထို့ကြောင့် သူမ၏ မျက်စောင်းချိတ်သွားသည့် သူမှာ ဆရာမ ဒေါ်ဝါ၀ါသိန်း ဖြစ်သွားသည်။

“ကိုယ်က စာတော်တယ်ဆိုပြီး မာန်တက်နေလို့ မရဘူး။ အသင်း ခေါင်းဆောင်ဆိုတာ ကိုယ့်လက်အောက်ငယ်သားတွေရဲ့ အခြေအနေကို အမြဲ စောင့်ကြပ် ကြည့်ရှုနေရမယ်။ ဆိုပါစို့လေ။ ဆေးရုံ တစ်ရုံမှာ သည်လူနာကို ကုလက်စ ဆရာဝန်မရှိ လို့ လက်ပိုက်ကြည့်နေမလား။ တခြား ဆရာဝန်က ပထမ ဆရာဝန် ကိုယ်စား တတ်စွမ်းသရွေ့ ကယ်တင်မလား။ သဘောပေါက်ဖို့ပဲ လိုတယ်”

ဆရာမ၏ ပညာသားပါပါ ရိုက်နှက်ချက် အောက်တွင် အလိုက်ကန်းဆိုး မသိစွာ လှောင်နေ ခဲ့သူမှာ “ရန်ဇော်”တစ်ဦးတည်းသာ ရှိသည်။ ဗလာကျင်းထားသော ဘုရားစင်လေးက သူမကို အကြီးအကျယ် ပြက်ရယ်ပြုနေသည်။ အံကြိတ် ထားသော သူမသည် ထိုနေ့မှစ၍ မခံချင်စိတ် ကြီးလွန်းသူ အဖြစ် ကိုယ့်ကိုယ်ကို ထုဆစ်ပုံ လောင်းခဲ့လေသည်။

“ဗားဂိုး၊ သိပ်ရှက်သွားလား”
ထိုအသံကြောင့် တင်းထားသော အံများ ယောင်ယမ်းစွာ ပြေလျော့ပြုတ်ထွက် ကုန်သည်။ သို့သော် နောက်ထပ်တစ်ခါ အံကြိတ်ပစ်ရန် သူမ ဘယ်တော့မှ မကြိုးစားတော့ပေ။

၅။
ကျုံးကြီး ကြက်တောင်ကွင်းမှာ ထိုနေ့က သူမကို တွေ့လိုက်သည်။ ခရမ်းနုရောင် အားကစား ၀တ်စုံနှင့် သေသပ်လှပသော သူမအား သူ အတန်ကြာအောင် ငေးမောဖြစ်သွားလေ သည်။
“ဘယ်လိုလဲ ဗားဂိုး၊ ကျောင်းရဲ့ပီတီချိန်မှာ မကစားဘဲ ကြက်တောင်ကိုမှ ၀ါသနာကြီးပြီး သင်တန်းတွေ တက်ရတဲ့ အထိလား”

“ဒါပေါ့ ကက်ပရီကွန်ရယ်၊ ငါ့ရဲ့ ဆဋ္ဌမတန်းရလဒ်ကို နွေရာသီ ကျောင်းပိတ်ရက်မှာ အကျိုးရှိစွာ မျှော်လင့်နေဖို့က အခရာ ကျတယ် မထင်ဘူးလား”

“အင်း မင်း ဒုတိယဆုရတယ် ဆိုတာကိုလား”

သူမက ဒေါသတကြီး ရက်ကတ်လေးကို ပစ်ချလိုက်၏။ တစ်ဖက်မှ ရိုက်လိုက်သော ကြက်တောင်ကလေးက သည်မှာဘက်၌ ရိုက် မည့်သူ မရှိသောကြောင့် ဒေါက်ခနဲ ကျသွား သည်။ သူမ၏ ခြေရင်းနား ကျသွားသော ကြက်တောင်ကလေးကို ကင်းပတ်ဖိနပ်ကလေးက အလိုအလျောက် နင်းခြေပစ်လိုက်လေသည်။
“ဟေ့ လင်းစက် ကြက်တောင်က နင့်ခြေ ထောက်အောက်...”

တစ်ဖက်မှ သူငယ်ချင်း၏ သတိပေးသံက နောက်ကျသွားခဲ့သည်။
“ငါ ဒုတိယ ရတယ်ဆိုရင် နင့်ရှေ့ငါ ဒူးထောက်မယ်။ ဘယ်လိုလဲ ကက်ပရီကွန်”

“ကြမ်းကျွံတာလောက်က နုတ်ခွင့် ရှိသေးတယ်နော်။ စဉ်းစားဦး ဗားဂိုးရယ်”

သူမထံမှ အဖြေပြန်မရသောကြောင့် သူက အရှက်ပြေ ရက်ကတ်လေးကို ကောက်လိုက်သည်။ ပိပြားနေသော ကြက်တောင်ကလေး သည် ကြွက်သားတစ်စုံ၏ ရိုက်နှက်အားကြောင့် လေထဲတွင် လိမ့်ကာလိမ့်ကာနှင့် ပျံဝဲသွားခဲ့ သည်။ သူက ကြက်တောင်လေးပြုတ်ကျသည့် နေရာကို တစိုက်မတ်မတ် ကြည့်နေခဲ့သည်။
“လာမယ့်လ ကြက်တောင်ပြိုင်ပွဲမှာ မင်းနဲ့ ငါ ထိပ်တိုက်တွေ့လိမ့်မယ် ထင်တယ်။ ဆရာက လက်ရည်တူတဲ့ လူတွေကို Single ပြိုင်ခိုင်း လိမ့်မယ်”

“အေး ငါကတော့နင့်ကို Double ချင်း ယှဉ်ပြိုင်ခွင့် ရချင်တယ်”

“ချဲလန့်ခ်ျနော် ဗားဂိုး”
သူမ၏ အဖြေ ပြန်ရနိုးနိုး တစ်ချိန်လုံး စိတ်ရှည်စွာ စောင့်နေခဲ့သည်မှာ သူမ ပြန်သွားသည် အထိပဲ ဖြစ်၏။

၆။
“လင်းစက် နင်သူ့ကို နိုင်ပါ့မလား။ သူက ယောက်ျားလေး၊ နောက်ပြီး တကယ်ပဲ နင်တို့ နှစ်ယောက်ကိုမှ ဆရာက ထိပ်တိုက်တွေ့စေတယ် နော်”

သူမ၏နားထဲ ထိုစကားသံက သံရည်ပူ လောင်းချလိုက်သလို ၀င်သွားလေသည်။
“ထိပ်တိုက်တွေ့တော့ ကိုက်ရုံပဲပေါ့။ ဇင်မာရာ”

“အာ နင်တို့က ခွေးမှ မဟုတ်ဘဲ”

“ဇင်မာ၊ သူက “ရန်လုံ”ဆိုတာ နင်မေ့မသွား နဲ့လေ...”

ထိုအခိုက် သူက သူမ နောက်ကျောနားမှာ ရှိနေခဲ့လေသည်။ “ကက်ပရီကွန်”ဟု သူမက အလန့်တကြား ရေရွတ်လိုက်ပေမယ့် သူက ပြုံးလို့ နေခဲ့သည်။ ထိုအပြုံးကို သူမ အဓိပ္ပာယ် ဖော်နေသည့် မိနစ်သုံးဆယ်အတွင်း ပြိုင်ပွဲစတင်ခဲ့ သည်။

သူမတို့ နှစ်ယောက်၏ လက်ရည်ကို သိနှင့် ပြီးသော သင်တန်းသားများက စူးစိုက်၍ အားပေး နေချိန်ဖြစ်သည်။ွောန ဏသငညအ ကို ရောက်နေခဲ့ သော သူ့ကို အမီလိုက်ရန် နှစ်မှတ်သာ အားစိုက်ရမည် ဖြစ်သည်။
“နင့်အမေက လာအားမပေးတတ်ဘူး ထင်တယ် ကက်ပရီကွန်”

သူငိုက်ကျ သွားချိန်တွင် သူမ၏ လှပသော ဆာဗင်လေးက တစ်ဖက်စည်းထဲ လှပစွာ ၀င်သွားခဲ့သည်။ ကက်ပရီကွန်၏ အားနည်းချက်မှာ “အမေ”ဟူသော စကားလုံး တစ်ခုဖြစ်ကြောင်း မကြာသေးမီကပဲ သူမ သိရှိ ထားခဲ့သည်။ ဆာဗင်ကိုပင် ငိုင်၍ ပြန်လည် မချေပနိုင်ခဲ့သော သူက သူ့လက်သူ ထိတ်လန့်စွာ ငုံ့ကြည့်နေခဲ့သည်။

ထို့နောက် အများ မမျှော်လင့်သော အရာ တစ်ခု ရုတ်ခြည်းဖြစ်ပွားခဲ့လေသည်။
“ဂိမ်းပါပြီ ခင်ဗျာ၊ ကျွန်တော်သူ့ကို အနိုင် ပေးလိုက်ပါတယ်။ ဘာဖြစ်လို့လဲ ဆိုတော့သည် အနိုင်မရရင် ကျွန်တော့်ရှေ့ သူ ဒူးလာထောက် ရမှာမို့ပါ”

ရက်ကတ်ကလေးကို အိတ်ထဲ တရိုတသေ ထည့်နေရင်း နောက်လှည့် ပြောလိုက်သော သူ့ စကားကြောင့် ဆူညံသံများ ရပ်စဲသွားသည်။ သူမ၏ တောက်ခေါက်သံသည် အပြင်ဘက်၌ သူ ကားတံခါး ဆောင့်ပိတ်သံနှင့် တစ်ထပ်တည်း ကျသွားခဲ့သည်။
“ဘယ်သူ နိုင်သလဲဟေ့” ဟူသော ဆရာ၏ တန်ပြန် မေးလိုက်သံက ရုံကြီး တစ်ရုံလုံးထိ ဟိန်း ထွက်သွားခဲ့လေသည်။

၇။
“ကွန်ဂရက်ကျူလေးရှင်း လင်းစက်၊ မင်း ဒုတိယရတယ်”

ထိုနေ့သည် သူမ ဘ၀၏ အရှုံးကို ယောက်ျား တစ်ယောက်ရှေ့ ခမ်းနားစွာ ထုဆစ်ခဲ့ရသောနေ့ ဖြစ်၏။
“ပထမက ငါလားလို့ မင်းမမေးတော့ဘူး ဆိုတာ ငါသိနေတယ်။ ဒီတော့ ကတိအတိုင်း”

သူမက ထိတ်လန့် တုန်လှုပ်စွာ ထိုနေရာတွင်သာ ရပ်နေခဲ့သည်။ မိုးတွေ သည်းနေခဲ့သောကြောင့် မှောင်မိုက်နေသော ၀န်းကျင်သည် သူမ၏ ထိတ်လန့်မှုကို ဖုံးကွယ် ပေးထားခဲ့သည်။ ထိုနေ့မှ စ၍ အမှောင်ကို သူမ ပထမဆုံး အကြိမ်အဖြစ် ကျေးဇူးတင်မိသွားသည်။
“ဘယ်လိုလဲ ဗားဂိုး၊ ဒူးမထောက်သေးဘူး လား”

သူက သားကောင်ကို အလွတ်မပေးသော မုဆိုး မျက်လုံးမျိုးဖြင့် ကြည့်နေခဲ့သည်။ ရုတ်ခြည်း ပြောင်းလဲသွားသော အခြေအနေ တစ်ခုကို သူအံ့အားသင့်စွာ လက်ခံလိုက်ရသည်။ သူမ သူ့ရှေ့တွင် ဒူးထောက်ပြခဲ့သည်။ ကတိ တစ်ခုကို လွယ်ကူစွာ အပျက် မခံလိုသော သူမ၏ ဒူးတွေ ခွေညွတ်သွားသည်ကိုပင် သူ တန်ပြန်တလဲလဲ မြင်ယောင် မိပြန်သည်။ ဒူးနှစ်ဖက်လုံး ကြမ်းပေါ် ကျသွားခဲ့ချိန်သည် ရန်ဇော်၏ စိတ်က သူ့ကိုယ်သူ မေးခွန်း ထုတ်လိုက်သော အချိန်ဖြစ်သွားသည်။

သူက ဆွဲထူဖို့ ကြိုးစားစဉ်မှာပင် သူမက ထရပ်ဖြစ်ခဲ့သောကြောင့် သူ့လက်တွေ အနည်းငယ် ကြောင်အမ်း သွားခဲ့ရသည်။
“ရန်ဇော် ဒဿမတန်းမှာ နင့်ကို ငါစိန်ခေါ်မယ်။ သည်တစ်ချီ ငါရှုံးတယ်။ နောက်တစ်ကြိမ်ဟာ နင့်အရှုံးကို နင်ပြန်မြင်တဲ့နေ့ ဖြစ်ရမယ်။ နင်မှတ်ထားဖို့ကVIRGO လို့ခေါ်တဲ့ ကန်ရာသီဖွားတွေဟာ 'System builder' လို့ သမုတ် ခံရသူတွေ ဖြစ်တယ်။ ငါတည်ဆောက်လိုက်မယ့် System တစ်ခုမှာ သည်နေ့ ငါခံစားရသလို တန်ပြန် ခံစားစေရမယ်”

သူမ၏ အညိုရောင် ယှက်နေသည့် မျက်ဝန်းများကို ဘာကြောင့်ရယ် မသိ။ သူအကြာကြီး ငေးမောမိသွားသည်။ အလွန်တရာ မာနကြီးသော မိန်းကလေးသည် မျက်ရည်တစ်ပေါက်မှ ကျမလာခဲ့သောကြောင့် သူမျှော်လင့် ခြင်းတွေ ဆုံးရှုံးသွားခဲ့သည်။
သို့သော် ထိုဆုံးရှုံးခြင်းကိုပင် သူ့ဘ၀၌ ပထမဆုံးအကြိမ် အားရဖြစ်ခဲ့လေသည်။

၈။
ဆက်ရှင်ကွဲ သွားခဲ့ပြီးနောက် သူနှင့် သူမ အလှမ်းဝေး သွားခဲ့လေသည်။ ထို အလှမ်းဝေးမှုကို ကံကြမ္မာက ရုတ်ခြည်း ရင်ကြားစေ့ပေးခဲ့သော ညက ရန်ဇော် ရှုံးသည့်ညဖြစ်ခဲ့သည်။
“ဟေ့ကောင် ရန်ဇော်၊ လင်းက မင်းထက် ရှစ်မှတ်တိတိသာတယ်နော်”

“အေးကွာ”

သူအလွန်တရာမှ ဖြေနိုင်ခဲ့ပါသည် ဟူသော ဒဿမတန်း အမှတ်စာရင်း က သူ့ကို လှောင်ပြောင်လို့ နေခဲ့ပြီ။ ထိုညနေက သူနှင့် အလှမ်းဝေးခဲ့တာ ကြာပြီဖြစ်သော ရနံ့လေး တစ်ခု ရောက်လာခဲ့သည်။ ထိုအာရုံဖြင့် အလန့် တကြား မော့ကြည့်လိုက်သောအခါ သူ့သိမ်ငယ်စိတ်တွေ မျက်နှာပေါ်ရှပ် ပြေးသွားသည်ကို ကာကွယ်ချိန် မရလိုက်ခဲ့။ ဖက်တွယ်ရာ ကင်းမဲ့ချိန် ရုတ်တရက် ငေးမိလိုက်သော အရာမှာ သူမ၏ မှဲ့ကလေးဖြစ်သည်။

“ဘယ်လိုလဲ ကက်ပရီကွန်၊ နင် ဒူးမထောက်ရင် ငါက နင့်ဒူးကို ရိုက်ချိုးပစ်မှာနော်”

သူ ၀ဋ်လည် နေပြီဟု ယူကျုံးမရ ကြေကွဲသွားချိန်တွင် သူမ၏စကား ကြောင့် သူ့မာနတွေ ဖြုတ်ခနဲ ကြွေဆင်းသွားရလေသည်။
“ဘယ်လိုလဲ ရန်ဇော်၊ ငါတော့ မက်ဒီကယ်လ်ပဲနော်၊ နင်လည်း ဂရိတ် ဒင်မြင့်တာပဲ။ ငါတို့ မက်ဒီကယ်လ်မှာ ပြန်ဆုံကြတာပေါ့ဟာ”

“ကျွတ်...အဓိပ္ပာယ်မရှိတာ။ နင့်ကို ငါတစ်သက် ပြန်မတွေ့တော့ဘူး ဗားဂိုး”

သူမ၏ ရယ်သံတွေကို အမျိုးအစားခွဲခြား ကြည့်နေဆဲမှာ သူကျရှုံး သွားပြီဟု ထိတ်လန့်စွာ အယူခံဝင်မိသည်။ သူ၏ဘ၀ကို နောက်သို့ပြန်လည် ရွှေ့ခိုင်းခဲ့လေသည်။ မှဲ့နက်တစ်လုံး၊ ဆယ်တန်းအမှတ်စာရင်း၊ သတ္တမတန်း နေ့စွဲများ၊ ဆဋ္ဌမတန်း ဆုပေးပွဲများ...စသည်ဖြင့် တဖြည်းဖြည်းချင်းပုံဖော် ခဲ့သောအရာမှာ မြူနှင်းများအဖြစ် အဆုံးသတ်သွားခဲ့လေသည်။

မြူနှင်းများကြားမှ တစ်စုံတစ်ခုကို သူ သဲကြီးမဲကြီး ရှာဖွေနေခဲ့မိ သည်။ ထို့နောက် သူ့လည်မျိုတွေ ပူလောင်စွာအော်မြည်နေခဲ့သည်။ သူ့အသံ အိုးတွေက စတင်လှုပ်ခတ်ကာ“အူဝဲ”ဟု မြည်စေခဲ့သည်။

“လာခြင်းမကောင်းတဲ့ ကလေးပဲ”

မကြာခဏ ကြားခဲ့ဖူးသော အသံ၏ နှိပ်စက်ခြင်းက သူ့နှလုံးအိမ်သို့ ချင်းနင်းဝင်ရောက်၊ ထို့နောက် ပျောက်ကွယ်ခဲ့သည်။
“ကျွန်တော်က ကံကြမ္မာ ရှိတဲ့ ကမ္ဘာကို လာတာ မဟုတ်ဘူး”

အသံ၏ ကြီးစွာသော နှိပ်စက်ခြင်းအောက်မှာ သူပြေးသည်။ ရုတ်တရက် မှောင်သွားသော ကမ္ဘာမှ ရုန်းထွက်လိုဇောဖြင့် သူနင်းကန် ပြေးသည်။ ပထမမြက်ခင်းပေါ်၊ ဒုတိယ ပလက်ဖောင်း၊ ထို့နောက် ကတ္တရာလမ်း၊ ထို့နောက်... ထို့နောက်...။
“ကက်ပရီကွန်”

သူ သည်အသံကို တစ်နေရာမှ ကြားခဲ့ဖူးပါသည်။ သို့သော် သူအမှန်တကယ် မမှတ်မိတော့ပါ။ ထိုအသံသည် သူနှင့် အဝေးကြီးမှ လာသော်လည်း အနီးအနား၌ပင် ရှပ်တိုက်ပြေးလွှားနေခဲ့သည်။
“ကံကြမ္မာရှိတဲ့ ကမ္ဘာကို လာတာ မဟုတ်ဘူး”
သူ့အသံက တိုးညင်းစွာ ရက်စက်ခဲ့လေသည်။

၉။
“ဟုတ်တယ် ဦးသက်ဇော်၊ ရန်ဇော်ကလေးဟာ ငယ်စဉ်ကတည်းက Psychological Trauma လို့ ခေါ်တဲ့“စိတ်ဒဏ်ရာ”ရခဲ့တာ ဖြစ်မယ်။ အဲဒီတုန်း က မိဘတွေရဲ့ ငြင်းပယ်မှုကို သူ့ဘ၀မှာ အမြဲတစေ အမှတ်ရ နေတတ်တာ မျိုးပေါ့”
ဒေါက်တာကျော်စိုး၏ ကောက်ချက် ဆွဲလိုက်သံ နောက်မှာ ဒေါ်ခင်သိမ့်၏ နောက်ကျောဆီ တုန်လှုပ်ခြင်းတွေ စိုက်ဝင်ခဲ့လေသည်။ သူမ၏ ၀မ်းနည်းမှု ပြယုဂ်မှာ တစ်ညလုံး ငိုထား၍ မျက်လုံးတွေ မို့အစ်ခဲ့ခြင်းသာ ဖြစ်သည်။

“ကျွန်မရဲ့အပြစ်ပါ ဆရာရယ်၊ အမှန်တော့ ကျွန်မတို့ မိဘနှစ်ပါးရဲ့ အငြင်းပွား တိုက်ခိုက်မှုတွေက သားဆီ လွင့်စင်သွားတယ် ထင်ပါရဲ့”

ဒေါ်ခင်သိမ့်သည် မျက်ရည်များ ထပ်၍ စီးကျမလာခဲ့တော့ဘဲ တိတ် ဆိတ်သောဝန်းကျင်ကို အေးစက်စွာ ဖြိုခွင်းခဲ့လေသည်။
“ဟုတ်တယ် ဆရာ၊ ကျွန်တော်တို့ အမှားပါ။ မခင်သိမ့် ကိုယ်ဝန် လွယ်ထားရချိန် ကျွန်တော်တို့ အကြီးအကျယ် ရန်ဖြစ်ခဲ့ကြတယ်။ အဲဒီတုန်းက ကျွန်တော့် စိတ်ထဲမှာ ခင်သိမ့်ကို သူ့ရည်းစားဟောင်းနဲ့ မရိုးဘူး ထင်ခဲ့တာ။ ကျွန်တော်ကတော့ လှည်းကျိုး ထမ်းခဲ့ရတယ်ပေါ့”

ဦးသက်ဇော်၏ လည်မျိုသည် တုန်ယင်မှုကြောင့် လှုပ်ရှားသွားခဲ့သည်ကို ဦးကျော်စိုးက ဆက်တိုက်ဆိုသလိုပင် အကဲခတ်နေခဲ့သည်။
“သူက ကျွန်တော့်ကို တို့ပြန်တယ်။ ကျွန်တော် လိုချင်တဲ့သမီး မွေးပေးနိုင်ရင် ဒါဟာ ကျွန်တော်နဲ့ ရတဲ့ ရင်သွေး၊ မဟုတ်ခဲ့ဘဲ သားမွေးရင်တော့ သူ့ရည်းစားဟောင်းနဲ့ ရတဲ့ ကလေး ဆိုပြီးတော့ပေါ့။ အမှန်တော့...ကျွန်တော့်.. ကျွန်တော့် အတ္တတွေကြောင့်...”

မျက်ရည်များသည် စိတ်တင်းလွန်း ရှာသော ယောက်ျားကြီး တစ်ယောက်၏ ပါးပြင်ပေါ် ပူလောင်စွာ ဖြတ်ပြေးသွားကြ သည်။
“ဒါနဲ့ပဲ ခင်ဗျားတို့ရဲ့သားက လာခြင်း မကောင်းခဲ့ဘူး ဆိုပါတော့ဗျာ၊ ဟုတ်လား”

“ဘာမှ မဟုတ်တဲ့ အနိုင် တစ်ခုအတွက် သည်လောက်ထိ ပေးဆပ်တတ်ရမှန်း ကျွန်တော် မသိခဲ့ဘူး ဆရာ။ ခုချိန်မှာ ကျွန်တော့်အတွက် လိုအပ်နေတာ သားပဲ။ ငယ်စဉ်ကတည်းက မိဘတွေကြောင့် သားမှာ စိတ်ဒဏ်ရာ အကြီးအကျယ် ရနေခဲ့မှန်း ကျွန်တော် မသိခဲ့ဘူး ဆရာ”

ဒေါက်တာကျော်စိုးက သူ့ထံ လာဆွေးနွေး ကြသော လူသားနှစ်ဦးကို စာနာစွာ နှစ်သိမ့် ပေးနိုင်ခဲ့လေသည်။“အေးဗျာ။ အမှန်တော့ ဘယ်ရင်သွေးမဆို လာခြင်း ကောင်းတတ်ကြပါတယ်။ သူ့ကို လက်ခံတဲ့ မိဘတွေကသာ လာခြင်းကောင်းတယ်၊ မကောင်းဘူးထက် ကြိုဆိုကြရမှာပါ။ အမှန်တော့ ဒါဟာ ကံကြမ္မာရဲ့အလုပ် မဟုတ်လား”

ခဏနေတော့ ဆွေးနွေး နှစ်သိမ့်ပြီးချိန်ထိ ငြိမ်သက်စွာ ထိုင်နေမိခဲ့လေသည်။“စိတ်ရောဂါ အထူးကု” သူ့ထံသို့ လာရောက် ဆွေးနွေးကြ သူများတွင် သူ့ကို အအံ့သြဆုံးရသ ပေးစွမ်းနိုင်သည့် လင်မယားကို သူ့တစ်သက် ဘယ်တော့မှ မေ့ပျောက် နိုင်စွမ်းရှိလိမ့်မည် မဟုတ်ပေ။
အမှန်တကယ်တော့ ကိုယ့်အတ္တကိုယ် တစ်ဖက် စောင်းနင်းကြီး မခြုံလွှမ်းလိုက်မိဖို့သာ အရေးကြီးသည်ဟု သူခံယူနေမိသည်။

၁၀။
“ဟော ဖေဖေ ပြန်လာပြီ။ အအေးသွားဖျော် လိုက်မယ်နော် ဖေဖေ”

“နေဦး သမီး၊ ဖေဖေ သည်နေ့ ကြုံတွေ့ခဲ့ရ တဲ့ ကေ့စ်လေးကို ငါ့သမီးဆီ ဖောက်သည်ချရဦးမယ်။ အဲဒါကို မပြောခင် စာအရမ်းတော်တဲ့ သမီး တို့ကျောင်းက ကောင်လေး...ဘာတဲ့။“ရန်ဇော်” ဆိုလား၊ ခု ဖေဖေက သူ့မိဘတွေနဲ့...”

သူမ၏ တစ်ဟုန်ထိုး ထွက်ပြေးခြင်း၏ တုံ့ပြန်မှုအပေါ် ဒေါက်တာကျော်စိုး ခွဲခြမ်း စိတ်ဖြာ ကြည့်နေလေသည်။ ထို့နောက် အတွေး များစွာ၏ နှိပ်စက်မှုဖြင့် အမြဲတစေ အထု အထောင်းခံနေရသော သူတစ်ယောက် ဧည့်ခန်း တွင်းရှိ ဆိုဖာပေါ်မှာပင် နှစ်ခြိုက်စွာ အိပ်မော ကျသွားခဲ့လေသည်။
(၂၀၀၉ ခုနှစ်၊ သြဂုတ်လ (__)ရက်၊ မနက် နှစ်နာရီ တစ်ဆယ့်ငါး...)
တိုင်ကပ်နာရီ၏ သံရှည်ဆွဲသံက သူမအား ခြောက်လှန့်နေခဲ့သည်။ ထိုအချိန်တွင် သူမ၏ လက်၌ ဒိုင်ယာရီ စာအုပ်ကို မြဲမြံစွာ ကိုင်ထားခဲ့ လေသည်။“အသက် နှစ်ဆယ်ပြည့်ပြီ” ဟူသော အတွေးကို ပို၍ သေချာသွားစေသော သြဂုတ်လ၏ ထစ်ချုန်း မိုးရေများက အငြိုးတကြီး ရွာသွန်း နေလေသည်။
“ကက်ပရီကွန်”

ငါနင့်ကို ဘယ်တော့မှ မေ့ရတော့မှာ မဟုတ် ဘူး။ အဲဒီနေ့က ငါပြောချင်တဲ့စကားကို နင်ကြား သွားခဲ့ရဲ့လား။
ငါပြောမယ့်စကားဟာ “အလကားစတာ၊ ငါက အဲလိုနည်းနဲ့ အနိုင် မယူချင်ဘူး” ဆိုတာကို ငါ့လိပ်ပြာ ငါသည်နေ့ သည်အချိန်ထိ ဖွင့်ဟ ၀န်ခံရဲတယ်။ နင်မရှိတော့တဲ့ လောကမှာ စိန်ခေါ် ခြင်းဆိုတာကို ငါ တမင်သက်သက် ရှာဖွေနေရ တယ်။

အမှန်တော့ ငါနင့်ရှေ့ ဒူးထောက်လိုက်တဲ့ နေ့ကတည်းက...
ငါ့အမှန်တရားကို ငါကြားနာ လိုက်ရ တယ်။ ငါက ကေ၀ဋ် ပုဏ္ဏားဖြစ်ရင် နင်က မဟော်သဓာ ဖြစ်တယ်။ VIRGO ဆိုတဲ့ ငါ၊ တည်ဆောက်လိုက်တဲ့ System ဟာ နင့်ဝိညာဉ်ကို နုတ်ယူ သွားနိုင်တယ်လို့သာ ငါကြိုသိခဲ့ရင်။ နောက်ပြီး...။
နောက်ပြီး အရှုံးဟာ ရင်ခုန်သံကို သိမ်မွေ့ စေတယ်ဆိုတာ...
ငါ နင့်ကို...
ငါ...နင့်...ကို...”

လိမ့်ဆင်းလာသော မျက်ရည်ပေါက်များ ရပ်တန့်သွားမှာ စိုး၍ သူမ မျက်နှာမော့ ထားခဲ့သည်။ သူမ၏ မှဲ့နက်ကလေးက သူမကို သရော် ထေ့ပြုံးဖြင့် လှောင်နေဆဲဖြစ်သည်။ မိုးကြိုးပစ် ချလိုက်သံနှင့် မျက်ရည်တစ်စက် လွင့်စင် ကျလာသည်က တိုက်ဆိုင်သွားသည်။“ကံကြမ္မာ ရှိတဲ့ ကမ္ဘာကို လာတာ မဟုတ်ဘူး”

ရေရွတ်သံမှာ တိုးတိတ်လွန်းသောကြောင့် ကက်ပရီကွန်အား လျှို့ဝှက်စွာ တမ်းတခွင့် ရရှိခဲ့ လေသည်။

လင်းစက်နွယ်

1 comment:

  1. ဖတ်လို့ ကောင်းတယ်.. စွဲဆောင်မှုရှိတဲ့ အရေးအသားလေးပါပဲ..

    ReplyDelete