၁။
လုံမ ခုတစ်လော ပြောင်းလဲနေသည်။ သစ်ရွက် လှုပ်သလား၊ ရယ်မော ပစ်တာချည်း။ သူမနေသည့် ဟိုးဝရန်တာ ထောင့်က ပြတင်းပေါက်ဆီ မုတ်သုံလေတွေ တရွတ်တိုက် ဖြတ်ပြေး ၀င်လာလည်း ရယ်မော ပစ်လိုက်နိုင်သည်။ အို... ယုတ်စွအဆုံး လုံမ နေသည့် အခန်းက စုတ်ချာချာ ဟိုကောင်မလေးနှစ်ယောက် စာကျက် နေပုံကလည်း ရယ်ချင်စရာ ကောင်းသည်။
ကမ္ဘာလောက တစ်ခုလုံး ရယ်ချင်စရာတွေ ပြည့်နှက်နေသလား။ အို... အဲလိုတွေးမိသည့် စိတ်ကူးကိုက ကပေါက်တိ ကပေါက်ချာ အဟိ...။
“ဟဲ့ လုံမ ညည်း အခုတစ်လော ဘာဖြစ်နေသတုံး။ တရယ်တည်း ရယ်နေ၊ စိတ်များ နှံ့သေးရဲ့လား”
“မိကျားနော် ညည်း မသိရင် ၀င်ဝင် မပြောနဲ့။ ကျုပ်က ကျုပ်အကြောင်းနဲ့ ကျုပ်ပါတော်”
“အမယ်လေး။ ပြောမိတာ မှားပါတယ်။ မှန်းစမ်း။ ရိုးမှ ရိုးရဲ့လား” ပြောရင်း
ဆိုရင်း မိကျားက လုံမ၏ မည်းမည်းလုံးလုံး ဗိုက်ကလေးဆီ ကပ်သွား၍ ခပ်တည်တည်နှင့် နားထောင်နေသည်။
“ဟယ်...၊ ညည်းတော့ ပွတာပဲ။ ဆယ့်နှစ်မြွှာပူးတော့။ တစ်ဒါဇင်ပူး”
မိကျားက ၀မ်းသာအားရ ၀မ်းခေါင်းသံကြီး နှင့်ပြောတော့ လုံမက အသာမျက်စောင်းထိုး သည်။
“ကဲကိုကဲ။ ဘာလဲ ဟိုဘက် အခန်းကလား”
“ဟုတ်ပါဘူးတော်။ အောက်ထပ် ဟိုမမ ၀၀ကြီး အခန်းကလေ”
“ဗုဒ္ဓေါရေ။ ညည်းက အဆောင်မှူး အခန်း က ဟို... မဲလုံးနဲ့ ပေါ့လေ။ ဟယ်...၊ သည် လူကြီး... အဲလေ၊ သည်ခြင်ကြီးကလည်း ကြည့်ရင်တော့ ရိုးပုံ ရိုးလက်နဲ့ မထင်ရဘူးနော်။ လုံမ နော်...၊ ညည်း ကိုမဲလုံးနဲ့ ဆိုတာ သေချာလို့လား”
“အို ကျုပ်က သေချာမှ သေချာ။ တော့်လို မျက်နှာ မများနိုင်ပေါင်။ တော်ကြာ ကူးစက် ရောဂါတွေ ကြောက်နေရဦးမှာ”
လုံမက ခပ်စွာစွာမျက်နှာပေးဖြင့် နှုတ်လှန် ထိုးကာ ရန်လုပ်ပစ်လိုက်သည်။
“အံမာ၊ ကျုပ်တို့က လူတွေလို HIV တို့၊ ဂနိုတို့၊ ဆစ်ဖလစ်တို့ကို မသယ်ဆောင်နိုင်ဘူးလေ။ ကူးစက် ရောဂါအတွက် စိတ်မပူရဘူး”
မိကျားက ရှူနာရှိုက်ကုံး ဖြစ်နေသော ရင်ဘတ်ကို အားပါးတရ ရှေ့သို့ ကော့၍ သူ့ဘ၀ သူဂုဏ်ယူနေသည်။ ခဏနေတော့ ဆယ့်သုံး ပေပတ်လည် အခန်းကျဉ်းလေးထဲ လူသား ကောင်မလေး တစ်ဦး ခေါက်တုံ့ခေါက်ပြန် လမ်းလျှောက်နေသည်။ နောက်တစ်ယောက်က ခုတင်ပေါ် လှဲရင်းနှင့် စာဖတ်နေသည်။ ဒါကိုက မိကျားတို့ အတွက် အထူးတဆန်း ကိစ္စတစ်ရပ် ဖြစ်နေသည်။
“ခဏနေရင် တစ်ဆောင်လုံးကို သည်ကိစ္စ လိုက်ဖြန့်ရဦးမယ်။ ဆန်း၏၊ ဆန်း၏”
မိကျားက အတင်းဖြန့်ချိရေး ကိစ္စကို တွေးတောနေရင်း လမ်းလျှောက်နေသော အမျိုးသမီးလေးကို အားရပါးရ ငေးကြည့်နေသည်။ နာရီ လက်တံ အရှည်က လေးဂဏန်း၊ လက်တံအတိုက တစ်ဂဏန်းမှာ ရှိနေသည်။ ဒါသည်ပင် ခြင်မ နှစ်ကောင်အတွက် အထူးတလည် ကိစ္စရပ်ဖြစ်နေ သည်။ အကြောင်းမှာ ထိုကျောင်းသူ နှစ်ယောက်သည် ဤမျှလောက် ညဥ့်နက်အောင် စာမကျက် ဖူး၍ ဖြစ်သည်။ လုံမသည် အမျိုးသမီးငယ်၏ လက်မောင်းသား ဖွေးဖွေးနုနုလေး များကို အာသာ ငမ်းငမ်း ငေးစိုက်ကြည့်နေသည်။ ဒါ ငါ့အချိန် ကျပြီ ဟူ၍လည်း တွေးနေလေသည်။
“ဟဲ့ မိကျား။ ကျုပ်ရင်သွေးလေးတွေ အတွက် နှစ်ဆတိုး စားရတော့မှာလား”
လုံမက သူမ နှုတ်ခမ်းသားလေးတွေကို ဆွဲဆောင်မှု ရှိအောင် စူ၍ ပြောနေသည်။
“အေးပေါ့ဟဲ့။ အာဟာရ အုပ်စု သုံးအုပ်စုနဲ့ ညီအောင်စားအေ။ ဒါမှ ညည်းကလေးတွေ အလေး စီးမှာ”
“မိကျားရယ်။ ကြားဖူးပေါင်။ အာဟာရ အုပ်စုသုံးစုက လူ့သွေးထဲမှာ ပါလို့လား”
လုံမက မျက်လုံး အ၀ိုင်းသားနှင့် မေးတော့ မိကျားက ခါးတစ်ဖက် ထောက်ကာ ချောင်းဟန့်၍ မူလိုက်သေး၏။ ပြီးမှ
“ကျုပ်နေတဲ့ အခန်းက အပေါက်ဆိုးဆိုး အိုဂျီ အဒေါ်ကြီးက အိမ်ဖော်မလေးကို ပြောနေတာ ကြားတာပဲ။ ဘာတဲ့ ဟင်းကို အာဟာရ အုပ်စုနဲ့ ကိုက်ညီအောင် ချက်ဆိုလား။ အဲဒီတုန်းက ကျုပ်က မှတ်ထားတာလေ”
လုံမ၏ စိတ်ဝင်စားမှု ရှိ၊ မရှိကို မိကျားက တစ်ချက်လောက် မသိမသာ အကဲခတ်လိုက်သေး ၏။ လုံမ မျက်လုံးတွေ ပြူးစက်နေတာ သေချာတော့မှ
“မှတ်ထားဦး မိန်းမရဲ့။ ကမ္ဘာကြီးဟာ ရွာကြီးတစ်ရွာ ဖြစ်နေပြီ။ တချို့ကိစ္စတွေဆို နေ့ချင်း ညချင်း သိနေကြပြီတဲ့။ ဂလိုဘယ်လ်လိုက်ဇေး ရှင်းပေါ့”
“ဟမ်... ဘာကြီးလဲ”
လုံမ၏ နားမလည်သလို လုပ်နေသည့် ပုံစံ ကိုက မိကျားအတွက် အသည်းယားစရာပင် ဖြစ်သည်။
“ပါးစပ်ကြီး ဟပြ မနေနဲ့။ ကိုယ်မတတ်တာ၊ အတာ ခြင် သိသွားမယ်။ သွေးထဲမှာ လူတွေစား လိုက်တဲ့ သကြားဓာတ်လည်း ပါတယ်။ ပြီးတော့ ဟိုလေ အဲဒါက ကာဗိုဟိုက်ဒရိုက် ဓာတ်ပေါ့။ ပရိုတိန်းဓာတ်က လူတွေရဲ့ သွေးထဲမှာ အန်တီဘော်ဒီ အနေနဲ့ ဆိုလား ရှိတယ်။ ဗီတာမင်ဓာတ်တော့... အင်း...၊ ငါ မပြောတတ်တော့ဘူး”
မိကျားက မချိ သွားဖြဲ လုပ်ပြတော့ လုံမ စိတ်ထဲ သူမ၏ အိမ်ဦးနတ်အတွက် အလွန်တရာ စိတ်ပူမိသွားသည်။
“ဟယ် ဒါဆို ငါတို့က အစာအုပ်စု သုံးစုနဲ့ ညီမျှအောင် စားနေချိန်မှာ ငါ့ယောက်ျားကျတော့ သွေးမှ မစုပ်ရဘဲ ခြင်ထီး ဖြစ်နေတော့လည်း ခမျာ သစ်သီး ဖျော်ရည်တွေနဲ့ ဟို မိန်းမတွေ သောက်နေတဲ့ ကော်ဖီအေးတွေ ချည်းလှိမ့်သောက် နေရတာ သူ့ကျတော့ ဘာဓာတ်တွေ ရမှာလဲ”
မိကျားက လုံမ၏ စိုးရိမ်ပူပန်မှုကို စာနာစိတ် အပြည့်ရှိစွာကြည့်ရင်း
“မပူပါနဲ့ဟယ်။ အသီးက ဗီတာမင်ဓာတ် ရတာပဲ။ ကော်ဖီက ကဖင်းဓာတ်နဲ့ သကြားဓာတ်၊ ညည်းယောက်ျားက ငါတို့ မရနိုင်တဲ့ ဓာတ်တွေတောင် ရနိုင်ပါသေးတယ်ဟယ်”
လုံမ၏ သက်ပြင်းသံက အကျယ်ကြီးထွက် သွားသော်လည်း လှဲ၍ စာဖတ်နေသော မိန်းမပျို၏ ၀ါးခနဲ သမ်းလိုက်သံကြောင့် တစ်ဝက် တစ်ပျက်ကြီးနှင့် တန့်သွားလေသည်။ ခုတော့ လုံမ မရယ်နိုင်ပါ။ မောင့်အတွက် ဆိုလျှင်တော့ သူမ ပြက်လုံး တစ်ခု မထုတ်နိုင်ပါ။ တွေးရင်းနှင့်ပင် သူမ ရင်ခုန် သံကို ပြန်ကြားနေရသည်။ လုံမက မိကျား မသိအောင် ရင်ဘတ်ကို အသာဖိထားရလေသည်။
ခက်တာပဲ။ ဟိုကောင်မလေးတွေ မအိပ်သေးဘူး။ လုံမက သွေးဆာ နေပြီဖြစ်၏။ အဲဒီငနဲ မလေးတွေက ခြေသွက် လက်သွက်လေးတွေ။ တစ်လောက လုံမမိတ်ဆွေ ငါးကောင်တိတိ တစ်နေ့တည်းမှာပဲ ဈာပန ကျင်းပခဲ့ရသည်။ သူတို့က မနပ်ဘူး။ လုံမက နပ်တယ်လေ။ အဲဒီ ငနဲမလေးတွေက အိပ်နေရင် ဆင်အော် ရင်တောင် မော်တော်ပီကယ် ၀ီစီမှုတ်သလောက် ထင်ပြီး အအိပ်ကြမ်းကြသည်မို့ ငနဲမတွေ အိပ်မှ လုံမက အလုပ်စတာ။ ငနဲမ တစ်ကောင်၏ သွေးက အရမ်းချိုပြီး အီစိမ့်နေသလောက် ကျန်တစ်ကောင်၏ သွေးက ချဉ်စုတ်စုတ်နှင့်။ ဒါကြောင့် လုံမက ခုလို အချိုတောင့်တ နေချိန်မှာ လမ်းလျှောက်နေသည့် ငနဲမလေးကိုပဲ တားကတ် ထားသည်။ ပြီးမှ အအီပြေ အချဉ်အရသာလေး အတွက် နောက်တစ်ယောက်။
အို...၊ တွေးရင်းနှင့်ပင် သူမ၀မ်းက တကြုတ်ကြုတ် ဆာလောင်လာသည်။
၂။
“လင်းစက်ရေ ငါတော့ ရူးချင်လာပြီ။ ငါတော့ မှားပြီ သယ်ရင်းရယ်”
ရွှေစင်က အိပ်ရာပေါ်မှ ၀မ်းနည်းသံကြီး စွက်၍ ညည်းတွားနေလေသည်။
“ဒါများ ဘာခက်လို့တုံး အစင်ရဲ့။ ဖြိုးကြီး သီချင်းလိုပေါ့။ ရင်မှာ အချစ်များ အို မှားပြီ၊ အချစ် ရေ___ ငါမှားပြီ___ ရင်နာတာများ___”
လင်းစက်က ရွှေစင် ခြေရင်းနားက လွတ်နေသော နေရာမှာ ၀င်ထိုင်လိုက်ရင်း ကျီစယ်နေသည်။
“ဟာ နင့်အသံပြဲကြီးနဲ့ တိုးတိုး။ အာကြီး ကြားသွားမှ ဟုတ်ပေ့ ဖြစ်နေဦးမယ်။(အာကြီး ဆိုသည်မှာ သူမတို့ အောက်ထပ်မှ အဆောင်မှူးကို အာပြဲ လွန်း၍ အပ်နှင်း ထားသော ဘွဲ့ထူး ဂုဏ်ထူးကြီးဖြစ်၏။) ငါ ဘာစာမှ မရတော့ဘူး။ မနက်ဖြန် ငါ ဘယ်လို မျက်နှာနဲ့ စာမေးပွဲခန်းထဲ ၀င်ရမလဲ”
“အံမယ် သူများကြားရင် နင့်ကို အရင်က စာရပြီး ခုမှ စာမရသလို ထင်နေဦးမယ်။ လုပ်မနေနဲ့။ ဒီမှာ အံတိုနေပြီ။ စာမေးပွဲ ဖြေစားလာတာ သုံးနှစ်ရှိပြီ။ နင် သည်လိုပဲ မျက်နှာပြောင် တိုက်ပြီး အခန်းထဲ ၀င်နေကျ။ ဟွန်း ငါသိတယ် မိန်းမရဲ့။ ဟဲ့၊ ဒါနဲ့ ဟို သာဂိက နင့်ကို မနက်ဖြန် စာမေးပွဲ နောက်ဆုံးနေ့မှာ အဖြေတောင်း ထားတယ်နော်”
ရွှေစင်က အလန့်တကြား မျက်လုံးပြူးသွားလေသည်။ ဟုတ်ပါရဲ့။ သာဂိဆိုတာ သူမတို့ နှစ်ယောက် ပေးထားသည့် နာမည်။ အမည်ရင်းက သာလင်း။ သူက ရွှေစင့်ကို ပထမ အမ်ဘီကတည်းက အရူးအမူး စွဲလမ်း တွယ်ငြိနေသူ ဖြစ်၏။ ယခု တတိယ အမ်ဘီ၏ ဖိုင်နယ် ဖြေနေချိန်ထိ အပူ တပြင်းနှင့် သူမထံမှ အဖြေကို ဇွတ်တောင်းနေတော့သည်။ အဆောင်ကို စာမေးပွဲရက် မဟုတ်တဲ့ ညတိုင်းလိုလို ဂစ်တာ လာတီးပြီး အာကြီး၏ အမုန်းကို နေ့စဉ်နှင့် အမျှ ခံနေရရှာ သူလေးအတွက် ရွှေစင့် သံမဏိ အသည်းက တဖြည်းဖြည်း ပုံ၍ပုံ၍ ကျလာသည်။
ရွှေစင် သာလင်းကို ချစ်မိသွားပြီ။ ဘယ်လိုလုပ်ပြီး ချစ်မိသွားသလဲ သူမပင် မသိလိုက်။ သူမက ရကောက် အုပ်စု၊ သူက သအုပ်စုဆိုတော့ ညနေပိုင်း ဆက်ရှင် တူကြတာချင်း သည်လည်းကောင်း၊ ဒုတိယနှစ်တုန်းက အနာတမီ တစ်ရှူးစတွေ ကြည့်သည့် ဟစ်စတော် လော်ဂျီခန်းမှာတုန်းက ရွှေစင့် လက်ချက်ကြောင့်Slideနဲ့ ပြားတစ်ချပ်ကျ ကွဲသွားခဲ့တာကို အစား လျော်ပေးတာတွေ သည်လည်းကောင်း၊ နီးစပ်စေမှုများအား ခွဲခြမ်း စိတ်ဖြာကြည့်နေသည်။
မည်မျှ အတွေးနက်ရှိုင်းသွားသည်မသိ။ လင်းစက် အသံကြားမှ ဖျတ်ခနဲ သတိဝင်လာသည်။ မနက်ဖြန် Micro (အဏုဇီဝဗေဒ) စာမေးပွဲကြီး။ အတွေးစ တွေကို စိတ်တံမြက်စည်းဖြင့် အလျင်အမြန် သိမ်းကော် လှည်းကျင်းပစ်လိုက် ရသည်။ သူမက ဖတ်လက်စ Parasitology(ကပ်ပါးပိုးမွှားဗေဒ)စာအုပ်ကို ကောက်ကိုင်လိုက်ရင်း “လင်းစက် Life Cycle of Malaria Parasite in Man (ငှက်ဖျားပိုး၏ လူတွင်ကျင်လည်ပုံ)က ဖိုက်ဖ်စတားလားဟင်”
“ဟာ အေးပေါ့ သည့်ထက် အရေးကြီးတာ ရှိမလား။ ပါမှာ၊ ကျက်သာ ကျက်”
“ခြင်ကြောင့် ဖြစ်တဲ့ ရောဂါထဲက ဘာမေးမယ် ထင်လဲ”
“ဘယ်သိမှာလဲ။ ငါက ပရော်ဖက်ဆာမှ မဟုတ်ဘဲ အစင်ရယ်။ နင်ကလည်း သုံးလေးပုဒ်ကိုများ ကျက်လိုက်ပါဟယ်။ Test တုန်းကလည်း ကျက်ထားတာပဲ”
အတူတူနှင့် အနူနူချင်းတောင်မှ လင်းစက်က နှာတစ်ဖျား အသာယူ၍ နှစ်သိမ့်ပေးနေလေသည်။
“ဟာ သည် သောက်ခြင်တွေ၊ အမျိုးယုတ်တွေ။ ဟွန်း သူတို့ ရှိနေလို့ ငါတို့ သည်စာတွေ ကျက်နေရတာ။ ငါတော့ ရှိသမျှ ခြင်ကို DDT ဖျန်းပြီး သတ်ချင်တော့တာပဲ”
ရွှေစင့်အသံက ကျယ်သွား၍ သူမ ပါးစပ်ကို လင်းစက်က အလျင်အမြန် ဆွဲအုပ် ပစ်လိုက်ရသည်။
၃။
သူသည် အလွန်တရာ ဒေါသထွက်ခဲလှသော ခြင်ဖိုတစ်ကောင် ဖြစ်သည်။ တော်ရုံနှင့်၊ အို...၊ အလွန်ဆုံး သူ့ကို ထိပါးရင်တောင် သည်း ခံနိုင်သည်။ ဒါပေမယ့် အစောက ကြားလိုက်ရတဲ့ စကားတွေကြောင့် အမျိုးထိလျှင် ဆူပွက်လာသော သွေးက အရှိန် တက်လာလေသည်။ DDT ကို သူ ကြောက်သည်။ တစ်လောက ဟိုဘက် ရပ်ကွက်မှာ သွေးလွန် တုပ်ကွေးဖြစ်သော ကောင်လေး တစ်ယောက်ကြောင့် ထိုအိမ်အနီး တစ်ဝိုက် DDT လိုက်ဖျန်းခဲ့သည်။ အဲသည်မှာ တင်ပဲ သူ့မိတ်ဆွေတွေ အလုံးအရင်း သေဆုံး သွားခဲ့ရှာသည်။ တွေးနေရင်းပင် သူ့ရင်တွေ ဆီမှာ ၀မ်းနည်းခြင်း လှိုင်းတံပိုးတွေ ရိုက်ခတ်လာသည်။
“လုံမနဲ့ မိကျား လာဦး”
“ဘာတုံး မဲလုံးရဲ့”
“အေး...၊ ငါ သွေးကြွေး ဆပ်မယ်။ ငါတို့ ခြင်တွေကို စော်ကားလွန်းရာ ကျနေတဲ့ အတွက် အားလုံးကိုယ်စား ကလဲ့စားချေရမယ်”
မိကျားက လက်ခမောင်း ခတ်နေသော မဲလုံး အား အလန့်တကြား ငေးကြည့်နေသည်။ လုံမ ရောပါပဲ။
“မောင်ရယ်၊ ရှင် ဒေါသမကြီးပါနဲ့ရှင်။ ကျွန်မမှာလည်း ကိုယ်လေး လက်ဝန်ကြီးနဲ့လေ။ ဟိုက လူ၊ ရှင်က ခြင်။ မခံနိုင်လည်း ရှင်က ဘာတတ်နိုင်... နိုင်...”
လုံမ ဖျောင်းဖျနေစဉ်မှာပဲ မဲလုံးက တဇွတ်ထိုး ပျံသန်းသွားခဲ့သည်။ လက်မောင်းသား ဖြူဖြူဖွေးဖွေးထဲသို့ သူ့နှာတံတွေကို အားရပါးရ ထိုးသွင်း ပစ်လိုက်သည်။ ခြင်ဖိုဖြစ်၍ တစ်ခါမျှ သွေးမစုပ်ဖူးသော သူ့နှာတံတွေ ကောက်ကွေး တွန့်လိမ်သွားပေမယ့် လက်မလျှော့သေး။ တစ်ချီမှာ သူ့နှာတံ တစ်ဆစ်က မိန်းမပျို၏ အသားစိုင်ထဲ စိုက်ဝင်သွားသည်။
ထိုစဉ်...။
နာကျင်ကိုက်ခဲမှု ဝေဒနာ အစုစုကြားထဲက လုံမ၏ စိုးရိမ်တကြီး အော်လိုက်သံကို သူ နှစ်ခြိုက်စွာ နားဆင်နေသည်။ ပြားဝပ်သွားသော သူ၏ ကိုယ်ထည် အောက်မှာ သွေးရည်တွေ တရစပ် စီးဆင်းနေပြီဆိုတာ သူသိ၏။ လုံမလေး နင်မလာနဲ့လို့ သူအကျယ်ကြီး အော်ပြောလိုက်ချင် ပေမယ့် လက်တွေ့မှာတော့ ထိုအသံက သူ့ လည်ချောင်းဝ ဆီမှာ ဆို့နင့် တိမ်ဝင်သွားလေ သည်။ ရုတ်တရက် သူ့အသိထဲ တရစပ် ၀င်လာတာ သူ့ရင်သွေးလေးတွေဖြစ်၏။ ဖခင်ဟူသော ဂုဏ်ပုဒ် တစ်ခုကို အကျေနပ်ကြီး ကျေနပ် နေခဲ့ရသော နေ့ရက်တွေကို လွမ်းဆွတ် နေရင်းနဲ့ပဲ သူသေဆုံး သွားခဲ့လေသည်။
“မလုပ်နဲ့ လုံမ။ မလုပ်နဲ့လေ...”
အချစ်စိတ်ဖြင့် မွှန်ထူသွားသော လုံမက မကြားနိုင်တော့ဘဲ တစ်ဟုန်တိုး ပြေးထွက်သွား သည်။ “ဖြန်း” ဟူသော အသံ တစ်ခု၏ နောက်မှာ လုံမ ၀ိညာဉ်တွေ ကပ်ငြိပါသွားမလားဟု စိုးရိမ် ထိတ်လန့်စွာ မိကျားက ဆန်းစစ် ကြည့်နေသည်။ ခေါင်းတစ်ပိုင်း၊ ကိုယ်တစ်ပိုင်း ပြတ်သွားသော လုံမ။ မိကျားရဲ့ အချစ်ဆုံး သူငယ်ချင်း လုံမ။ ခုတော့...ခုတော့...။
မိကျားက ဆို့နင့် အက်ကွဲစွာဖြင့် တံတွေး တစ်ချက်ကို ခက်ခဲစွာ မျိုချ ပစ်လိုက်ရသည်။ မိကျား နောက်ဆုံး မြင်လိုက်သည်က လုံမ၏ မျက်ရည်စတွေ ဖြစ်၏။ သူငယ်ချင်း လင်မယား၏ အဖြစ်ဆိုးကို တခြား အခန်းဖော်များအား လိုက်ပြောရင်း သူမပါ အခန်း ပြောင်းဖို့ ကြိုးစားရတော့မည်။ အခန်းပြောင်းမှ မဟုတ်ဘူး။ အဆောင်ပါ ပြောင်းမှပါ။
ဆေးကျောင်းသူနဲ့ ဆရာဝန်ဆိုတဲ့ လူတန်း စားတွေဟာ လူ့အသက်ကို ကယ်ပါတယ် ဆိုပြီး ဂုဏ်ယူ ၀င့်ကြွားနေသလောက် တစ်ဖက်မှာတော့ စိတ္တဇ ခြင်သတ် သမားတွေ ဖြစ်နေကြပြန်တယ်။ ဒါဟာ ခြင့်အခွင့်အရေး ချိုးဖောက်မှုပဲ။ ခြင် တစ်ကောင်စီမှာRight ရှိတယ်။ အဲဒီ Right အတွက် ခြင်တွေ တိုက်ပွဲဝင်သင့် ၀င်ရမယ်။ နာကြည်းစွာ ပျံသန်းသွားသော သူမ၏ ကိုယ်ခန္ခာသည် ထိုအခန်းမှ အထွက် ပြင်းပြသော ဝေဒနာကြောင့် အောက်သို့ ပြုတ်ကျလေ၏။ သူမအပေါ် မိုးထားသော စာလုံးများအား နောက်ဆုံးအနေဖြင့် ကြိုးစား၍ ဖတ်လိုက်သည်။
Lynn Satt Nwe, 3rd MB, Parasitology ...
စာအုပ်၏ အလေးချိန်သည် အချိန်တို အတွင်းမှာပဲ သူမ၏ ဇီဝိန်ကို နှုတ်ခြွေ သွားတော့မည်။ ငနဲမ၏ စိတ်မထင်လျှင် မထင်သလို ကောက်ပေါက် တတ်သော စာအုပ် လက်နက်ကြားမှာ သူမ သေပွဲဝင်ရတော့မည်။ MBBS ဟူသော စာတန်းကို ရင်နာစွာဖြင့် ကြည့်လိုက်သည်။ မိကျားက ဟိုးရိုးတွင်း ခြင်ဆီထဲမှ အားကို ကုတ် ခြစ်ယူ၍ ရှိသမျှ အားနှင့် ရွံရှာ စက်ဆုပ်စွာ တံတွေး ထွေးချ ပစ်လိုက်သည်။ “ထွီ” ဟူသော အသံသည် အဖျားခတ်ကာ ဆန့်တငင်ငင် ထွက်သွားခဲ့လေသည်။
၎။
ခြင်သုံးကောင်၏ အဖြစ်အား အစအဆုံး မြင်တွေ့သွားသော ကိုရွှေပင့်ကူသည် မိကျားအား တိတ်တဆိတ် ချောင်းမြောင်းကာ လစ်ရင် လစ်သလို တွယ်ဖို့ ခုတင်ခြေရင်းက အမှိုက်ပုံး နားမှာ ပုန်းနေတာပဲ ဖြစ်၏။ ဒါပေမယ့် သူရရှိလိုက်တာ မိကျား၏ တံတွေးစ အစက်တွေပဲ ဖြစ်၏။ ဘာပဲဖြစ်ဖြစ် သူသည် သတင်းကို အခန်းဖော် ပင့်ကူများအား ဖြန့်ရမည်။ သူအလျင်အမြန် ဖြန့်နိုင်မှ သူ့အခန်းဖော်များက သူ့ကို လေးစားကြမည်။ ပြီးတော့ သူက ဂျပိုးကို လိပ်ဖြစ်အောင် ပြောပြီး သူရဲကောင်း ၀င်လုပ်ပြမည်။ ဟုတ်ပြီ။
ခပ်သော့သော့လေး ပြေးနေသော ကိုရွှေပင့်ကူ၏ ခြေလှမ်းတွေသည် တစ်စုံတစ်ခု၏ ဆောင့်ဆွဲခံရမှုကြောင့် ရုတ်ခြည်း နာကျင် သွားလေသည်။ သူ၏ ဦးခေါင်းမှ စိုစွတ်မှုနှင့် နာကျင်မှု။ အထိအတွေ့ အာရုံနှစ်ခုကို ရေရာစွာ မခွဲခြားနိုင် သေးခင်မှာပဲ ဒါဟာ အိမ်မြှောင် တစ်ကောင်ရဲ့ သွားရည်တွေနဲ့ သွားတွေပဲဟု နောက်ကျစွာ သိရှိသွားသည်။ အိမ်မြှောင်က သူ့အား မညှာမတာ ကိုက်ဖြတ် ၀ါးမျို ပစ်လိုက်လေသည်။ ပင့်ကူ၏ အရသာကို ခံစားပြီးသွားသော အိမ်မြှောင်သည် ဂုဏ်ယူ ၀င့်ကြွားစွာဖြင့် တံခါးဝဆီသို့ လျှောက် လာနေသည်။
“မင်းတစ်ယောက်တည်း သည်ကိစ္စကို သိတာ မဟုတ်ဘူး။ ငါလည်း သိတာပဲ။ ခုတော့ ခြင်ဇာတ်လမ်းကို သိတာ ငါတစ်ကောင်တည်း၊ ငါတစ်ကောင်တည်းပေါ့။ ဟား ဟား”
အိမ်မြှောင်က အားပါးတရ ရယ်မော လိုက်ပေမယ့် လက်တွေ့မှာတော့ ထိုအသံက “ကျွတ် ကျွတ်” ဟူ၍...။
ရုတ်တရက် ...။ သူ့ရှေ့မှာ ဘွားခနဲ ပေါ်လာသည့် မိန်းမ ၀၀ကြီးအား ကြောက်ရွံ့စွာဖြင့် ပွင့်အံ သွားသော တံခါးမကြီး၏ ပတ္တာအို နားမှာ အသာလေး ၀င်ခိုနေလိုက်သည်။ သည်မိန်းမကြီး ဘာလာ လုပ်တာပါလိမ့်။
“လင်းစက်နွယ်နဲ့ ရွှေစင် ညည်းတို့ လွန်လာပြီနော်။ လူကြီး တစ်ယောက် အောက်ထပ်မှာ ရှိနေသေးတယ်ဆိုတာ မမေ့နဲ့။ ညည်းတို့ စိတ်လွတ် ကိုယ်လွတ်နေဖို့ သည်အခန်းကို ငှားရမ်းထားတာ မဟုတ်ဘူး။ အစောက “ဘုန်းခနဲ” ပြုတ်ကျတာ ဘာလဲ။ ငါအခု လန့်လွန်းလို့ သွေးကျဆေး သောက်နေရတယ်ဟဲ့...”
ရွှေစင်က အဆောင်မှူးအား မျက်စိပျက် မျက်နှာပျက်စွာ ကြည့်နေလေသည်။
“ဟို ဟို အဲဒါ လင်းစက်ရဲ့ Bailey & Love စာအုပ်ကြီး ပြုတ်ကျ သွားတာပါ မမ၊ နောက် အဲလို မဖြစ်စေရပါဘူး။ ခုဟာက ခွဲစိတ်ကု ပညာကို စိတ်ဝင်စားလွန်းလို့ ငြင်းခုံကြရင်း ဖြစ်သွားတာပါ”
လင်းစက်က အတန်ငယ် ပျော့ပျောင်းသော လေသံဖြင့် အတိုင်ပင်ခံ ခွဲစိတ် ဆရာဝန်မကြီး (အဆောင်မှူး) အား အပျော့ ဆွဲလေး ဆွဲလိုက်သည်။ Bailey & Love လို စာအုပ်ထူကြီးအား ဘုရားပေးပေး၊ ကျမ်းပေးပေး ဘယ်သော အခါမှ ဖတ်ဖို့ အသိတရား ၀င်မည် မဟုတ်သော သူမတို့ နှစ်ယောက်၏ မုသားကို မသိရှာသော ဆာဂျင်မမက သဘောကျ သွားလေသည်။ အမှန်က ပြုတ်ကျသွားသော စာအုပ်မှာ လင်းစက် ပစ်ပေါက်လိုက်သော Micro Parasitology စာအုပ်လေးသာ ဖြစ်၏။
“ဟုတ်လား အေး အေး။ အခုဟာက ဘာကိစ္စနဲ့ ပတ်သတ်ပြီး အငြင်းပွားတာလဲကွဲ့”
“ခြင် အဲ ဟုတ်ပေါင်။ ခြင်ကိုက်လိုက်တာလို့။ ဟိုလေ...”
ရွှေစင်က ကြောက်အားလန့်အားနှင့် ထစ်ထစ်အအ မှားမှား ယွင်းယွင်းတွေ ဖြစ်ကုန်သည်။ အခြေအနေအရ လင်းစက်က ပွဲဝင်ထိန်းပေးလိုက်ရသည်။
“ဟိုလေ မမ။ ခြင်ကြောင့်ဖြစ်တဲ့ ဆင်ခြေထောက် ရောဂါလေ။ Elephantiasis ဖြစ်ရင် Surgically ပြုပြင်လို့ ရမရ။ ငြင်းနေကြတာပါ”
အမျိုးသမီးကြီးက နှစ်ခြိုက်စွာ ပြုံးလိုက်သည်။
“သြော် ညည်းတို့က Filariasis ကို စိတ်ဝင်စားသကိုး။ ဟုတ်ပြီလေ။ မနက်ဖြန် တို့အခန်းကို ညနေကျ လာခဲ့။ တို့ရှင်းပြမှာပေါ့။ ဒါက ငြင်းနေလို့မှ မပြီးတာ”
“ဟုတ် ဟုတ်ကဲ့ မမ”
အိမ်မြှောင်က ထိုမိန်းမကြီး၏ မျက်နှာအား အနီးကပ် သေချာစွာ ကြည့်လိုဇောဖြင့် ပတ္တာအိုကြားမှ ထွက်ဖို့ကြိုးစားသည်။ သို့သော် ၀ဖိုင့်သော ခန္ဓာကိုယ်နှင့် မလိုက်ဖက်စွာ အလွန်တရာ လျင်မြန်သော အမျိုးသမီးကြီး၏ တံခါးဆွဲ ပိတ်လိုက်သံ အောက်မှာ သူ့နံရိုးတွေ တစ်ချောင်းချင်းစီ ပြုတ်ထွက်ကုန်သည်။
“ကျွတ် ကျွတ်”
အိမ်မြှောင်၏ နောက်ဆုံး ညည်းချင်းသည် မနက်ဖြန် စာမေးပွဲကြီးအတွက် ပြင်ဆင်နေရသော ဆေးကျောင်းသူနှစ်ဦး၏ သားချော့တေး တစ်ပုဒ် အဖြစ် အသွင်ပြောင်းသွားလေသည်။
၅။
မနက်ဖြန် ညနေမှာ အဆောင်မှူးဆီ သွား၍ သူမ လေကျယ်သမျှ ခေါင်းလေးတညိတ်ညိတ် လုပ်ကာ နားထောင်ပြရတော့မည်။ သည်အသိကြောင့် သူမတို့ နှစ်ဦးစလုံး စိတ်ပျက်လက်ပျက် နှင့် မနက်ခြောက်နာရီ နှိုးစက်ပေးကာ အိပ်ဖို့ ပြင်ရတော့သည်။
“ပါဏာတိပါတာ ဝေရမဏိ သိက္ခာပဒံ သမ္မာဒိယာမိ”
“မုသာဝါဒါ ဝေရမဏိ သိက္ခာပဒံ သမ္မာ ဒိယာမိ”
မိန်းမပျိုနှစ်ဦး၏ ကသောကမျော တည်ဆောက်လိုက်သည့် ငါးပါးသီလ ဘုရား ရှိခိုးသည် အပြင်ဘက်မှ နားထောင်လျှင် တိုးတစ်ချက် ကျယ်တစ်ချက် လွင့်ထွက်လာလေသည်။ တစ်ဆောင်လုံး ဆရာဝန်တွေသာ ရှိသော သူမတို့ အဆောင်ကြီး၏ ပထမထပ် ညာဘက်ခန်းဆီမှ မီးခလုတ် ပိတ်သံ။ ပြီးနောက် ပန်ကာဖွင့်သံ။ ပြီးနောက် အသက်ရှူသံ။
များမကြာမီမှာပဲ မြောနေသော အိမ်မြှောင် တစ်ကောင်၏ မျက်လုံး အိမ်များမှ မျက်ရည်ပွင့်များ ကြမ်းခင်းနှင့် မိတ်ဆက်သွားသည်။ ငါးပါးသီလ တရားတော်ကို နာကြည်းစွာ ကြားနာ နေသော အိမ်မြှောင်၏ မျက်ရည်နှင့် ကြမ်းပြင် တိထွေ့သံသည် နရီမမှန်သော စည်းချက်များ အဖြစ် တိတ်ဆိတ်နေသော ညတစ်ခုမှာ အက်ကွဲစွာ ထွက်အံကျလာခဲ့လေသည်။
နိဂုံး။
စာမေးပွဲ ညများ၏ မသိလိုက် မသိဘာသာ အကုသိုလ်များသည် တရားဝင်ပါသလား။ ထိုသို့ မေးခွန်း ထုတ်နေရင်းနှင့်ပင် ကျွန်မ၏ မနက်များ၌ ယောင်ယမ်း ရိုက်မိခဲ့သော ခြင်များအား ကြမ်းပေါ်၌ ပြန့်ကျဲစွာ တွေ့ရလေ့ရှိပါသည်။ ထို့ကြောင့် မေးခွန်း ထုတ်မိသော ကျွန်မ နှုတ်သားများအား အားနာစွာဖြင့် ဤ၀တ္ထုဖြင့် သင်ပုန်း ချေလိုက်ပါသည်။ သူတို့ အားလုံး ဥဒါန်းကျေ၏ မကျေ၏ ဆိုသည်မူကား...။
“ဟဲ့ လုံမ ညည်း အခုတစ်လော ဘာဖြစ်နေသတုံး။ တရယ်တည်း ရယ်နေ၊ စိတ်များ နှံ့သေးရဲ့လား”
“မိကျားနော် ညည်း မသိရင် ၀င်ဝင် မပြောနဲ့။ ကျုပ်က ကျုပ်အကြောင်းနဲ့ ကျုပ်ပါတော်”
“အမယ်လေး။ ပြောမိတာ မှားပါတယ်။ မှန်းစမ်း။ ရိုးမှ ရိုးရဲ့လား” ပြောရင်း
ဆိုရင်း မိကျားက လုံမ၏ မည်းမည်းလုံးလုံး ဗိုက်ကလေးဆီ ကပ်သွား၍ ခပ်တည်တည်နှင့် နားထောင်နေသည်။
“ဟယ်...၊ ညည်းတော့ ပွတာပဲ။ ဆယ့်နှစ်မြွှာပူးတော့။ တစ်ဒါဇင်ပူး”
မိကျားက ၀မ်းသာအားရ ၀မ်းခေါင်းသံကြီး နှင့်ပြောတော့ လုံမက အသာမျက်စောင်းထိုး သည်။
“ကဲကိုကဲ။ ဘာလဲ ဟိုဘက် အခန်းကလား”
“ဟုတ်ပါဘူးတော်။ အောက်ထပ် ဟိုမမ ၀၀ကြီး အခန်းကလေ”
“ဗုဒ္ဓေါရေ။ ညည်းက အဆောင်မှူး အခန်း က ဟို... မဲလုံးနဲ့ ပေါ့လေ။ ဟယ်...၊ သည် လူကြီး... အဲလေ၊ သည်ခြင်ကြီးကလည်း ကြည့်ရင်တော့ ရိုးပုံ ရိုးလက်နဲ့ မထင်ရဘူးနော်။ လုံမ နော်...၊ ညည်း ကိုမဲလုံးနဲ့ ဆိုတာ သေချာလို့လား”
“အို ကျုပ်က သေချာမှ သေချာ။ တော့်လို မျက်နှာ မများနိုင်ပေါင်။ တော်ကြာ ကူးစက် ရောဂါတွေ ကြောက်နေရဦးမှာ”
လုံမက ခပ်စွာစွာမျက်နှာပေးဖြင့် နှုတ်လှန် ထိုးကာ ရန်လုပ်ပစ်လိုက်သည်။
“အံမာ၊ ကျုပ်တို့က လူတွေလို HIV တို့၊ ဂနိုတို့၊ ဆစ်ဖလစ်တို့ကို မသယ်ဆောင်နိုင်ဘူးလေ။ ကူးစက် ရောဂါအတွက် စိတ်မပူရဘူး”
မိကျားက ရှူနာရှိုက်ကုံး ဖြစ်နေသော ရင်ဘတ်ကို အားပါးတရ ရှေ့သို့ ကော့၍ သူ့ဘ၀ သူဂုဏ်ယူနေသည်။ ခဏနေတော့ ဆယ့်သုံး ပေပတ်လည် အခန်းကျဉ်းလေးထဲ လူသား ကောင်မလေး တစ်ဦး ခေါက်တုံ့ခေါက်ပြန် လမ်းလျှောက်နေသည်။ နောက်တစ်ယောက်က ခုတင်ပေါ် လှဲရင်းနှင့် စာဖတ်နေသည်။ ဒါကိုက မိကျားတို့ အတွက် အထူးတဆန်း ကိစ္စတစ်ရပ် ဖြစ်နေသည်။
“ခဏနေရင် တစ်ဆောင်လုံးကို သည်ကိစ္စ လိုက်ဖြန့်ရဦးမယ်။ ဆန်း၏၊ ဆန်း၏”
မိကျားက အတင်းဖြန့်ချိရေး ကိစ္စကို တွေးတောနေရင်း လမ်းလျှောက်နေသော အမျိုးသမီးလေးကို အားရပါးရ ငေးကြည့်နေသည်။ နာရီ လက်တံ အရှည်က လေးဂဏန်း၊ လက်တံအတိုက တစ်ဂဏန်းမှာ ရှိနေသည်။ ဒါသည်ပင် ခြင်မ နှစ်ကောင်အတွက် အထူးတလည် ကိစ္စရပ်ဖြစ်နေ သည်။ အကြောင်းမှာ ထိုကျောင်းသူ နှစ်ယောက်သည် ဤမျှလောက် ညဥ့်နက်အောင် စာမကျက် ဖူး၍ ဖြစ်သည်။ လုံမသည် အမျိုးသမီးငယ်၏ လက်မောင်းသား ဖွေးဖွေးနုနုလေး များကို အာသာ ငမ်းငမ်း ငေးစိုက်ကြည့်နေသည်။ ဒါ ငါ့အချိန် ကျပြီ ဟူ၍လည်း တွေးနေလေသည်။
“ဟဲ့ မိကျား။ ကျုပ်ရင်သွေးလေးတွေ အတွက် နှစ်ဆတိုး စားရတော့မှာလား”
လုံမက သူမ နှုတ်ခမ်းသားလေးတွေကို ဆွဲဆောင်မှု ရှိအောင် စူ၍ ပြောနေသည်။
“အေးပေါ့ဟဲ့။ အာဟာရ အုပ်စု သုံးအုပ်စုနဲ့ ညီအောင်စားအေ။ ဒါမှ ညည်းကလေးတွေ အလေး စီးမှာ”
“မိကျားရယ်။ ကြားဖူးပေါင်။ အာဟာရ အုပ်စုသုံးစုက လူ့သွေးထဲမှာ ပါလို့လား”
လုံမက မျက်လုံး အ၀ိုင်းသားနှင့် မေးတော့ မိကျားက ခါးတစ်ဖက် ထောက်ကာ ချောင်းဟန့်၍ မူလိုက်သေး၏။ ပြီးမှ
“ကျုပ်နေတဲ့ အခန်းက အပေါက်ဆိုးဆိုး အိုဂျီ အဒေါ်ကြီးက အိမ်ဖော်မလေးကို ပြောနေတာ ကြားတာပဲ။ ဘာတဲ့ ဟင်းကို အာဟာရ အုပ်စုနဲ့ ကိုက်ညီအောင် ချက်ဆိုလား။ အဲဒီတုန်းက ကျုပ်က မှတ်ထားတာလေ”
လုံမ၏ စိတ်ဝင်စားမှု ရှိ၊ မရှိကို မိကျားက တစ်ချက်လောက် မသိမသာ အကဲခတ်လိုက်သေး ၏။ လုံမ မျက်လုံးတွေ ပြူးစက်နေတာ သေချာတော့မှ
“မှတ်ထားဦး မိန်းမရဲ့။ ကမ္ဘာကြီးဟာ ရွာကြီးတစ်ရွာ ဖြစ်နေပြီ။ တချို့ကိစ္စတွေဆို နေ့ချင်း ညချင်း သိနေကြပြီတဲ့။ ဂလိုဘယ်လ်လိုက်ဇေး ရှင်းပေါ့”
“ဟမ်... ဘာကြီးလဲ”
လုံမ၏ နားမလည်သလို လုပ်နေသည့် ပုံစံ ကိုက မိကျားအတွက် အသည်းယားစရာပင် ဖြစ်သည်။
“ပါးစပ်ကြီး ဟပြ မနေနဲ့။ ကိုယ်မတတ်တာ၊ အတာ ခြင် သိသွားမယ်။ သွေးထဲမှာ လူတွေစား လိုက်တဲ့ သကြားဓာတ်လည်း ပါတယ်။ ပြီးတော့ ဟိုလေ အဲဒါက ကာဗိုဟိုက်ဒရိုက် ဓာတ်ပေါ့။ ပရိုတိန်းဓာတ်က လူတွေရဲ့ သွေးထဲမှာ အန်တီဘော်ဒီ အနေနဲ့ ဆိုလား ရှိတယ်။ ဗီတာမင်ဓာတ်တော့... အင်း...၊ ငါ မပြောတတ်တော့ဘူး”
မိကျားက မချိ သွားဖြဲ လုပ်ပြတော့ လုံမ စိတ်ထဲ သူမ၏ အိမ်ဦးနတ်အတွက် အလွန်တရာ စိတ်ပူမိသွားသည်။
“ဟယ် ဒါဆို ငါတို့က အစာအုပ်စု သုံးစုနဲ့ ညီမျှအောင် စားနေချိန်မှာ ငါ့ယောက်ျားကျတော့ သွေးမှ မစုပ်ရဘဲ ခြင်ထီး ဖြစ်နေတော့လည်း ခမျာ သစ်သီး ဖျော်ရည်တွေနဲ့ ဟို မိန်းမတွေ သောက်နေတဲ့ ကော်ဖီအေးတွေ ချည်းလှိမ့်သောက် နေရတာ သူ့ကျတော့ ဘာဓာတ်တွေ ရမှာလဲ”
မိကျားက လုံမ၏ စိုးရိမ်ပူပန်မှုကို စာနာစိတ် အပြည့်ရှိစွာကြည့်ရင်း
“မပူပါနဲ့ဟယ်။ အသီးက ဗီတာမင်ဓာတ် ရတာပဲ။ ကော်ဖီက ကဖင်းဓာတ်နဲ့ သကြားဓာတ်၊ ညည်းယောက်ျားက ငါတို့ မရနိုင်တဲ့ ဓာတ်တွေတောင် ရနိုင်ပါသေးတယ်ဟယ်”
လုံမ၏ သက်ပြင်းသံက အကျယ်ကြီးထွက် သွားသော်လည်း လှဲ၍ စာဖတ်နေသော မိန်းမပျို၏ ၀ါးခနဲ သမ်းလိုက်သံကြောင့် တစ်ဝက် တစ်ပျက်ကြီးနှင့် တန့်သွားလေသည်။ ခုတော့ လုံမ မရယ်နိုင်ပါ။ မောင့်အတွက် ဆိုလျှင်တော့ သူမ ပြက်လုံး တစ်ခု မထုတ်နိုင်ပါ။ တွေးရင်းနှင့်ပင် သူမ ရင်ခုန် သံကို ပြန်ကြားနေရသည်။ လုံမက မိကျား မသိအောင် ရင်ဘတ်ကို အသာဖိထားရလေသည်။
ခက်တာပဲ။ ဟိုကောင်မလေးတွေ မအိပ်သေးဘူး။ လုံမက သွေးဆာ နေပြီဖြစ်၏။ အဲဒီငနဲ မလေးတွေက ခြေသွက် လက်သွက်လေးတွေ။ တစ်လောက လုံမမိတ်ဆွေ ငါးကောင်တိတိ တစ်နေ့တည်းမှာပဲ ဈာပန ကျင်းပခဲ့ရသည်။ သူတို့က မနပ်ဘူး။ လုံမက နပ်တယ်လေ။ အဲဒီ ငနဲမလေးတွေက အိပ်နေရင် ဆင်အော် ရင်တောင် မော်တော်ပီကယ် ၀ီစီမှုတ်သလောက် ထင်ပြီး အအိပ်ကြမ်းကြသည်မို့ ငနဲမတွေ အိပ်မှ လုံမက အလုပ်စတာ။ ငနဲမ တစ်ကောင်၏ သွေးက အရမ်းချိုပြီး အီစိမ့်နေသလောက် ကျန်တစ်ကောင်၏ သွေးက ချဉ်စုတ်စုတ်နှင့်။ ဒါကြောင့် လုံမက ခုလို အချိုတောင့်တ နေချိန်မှာ လမ်းလျှောက်နေသည့် ငနဲမလေးကိုပဲ တားကတ် ထားသည်။ ပြီးမှ အအီပြေ အချဉ်အရသာလေး အတွက် နောက်တစ်ယောက်။
အို...၊ တွေးရင်းနှင့်ပင် သူမ၀မ်းက တကြုတ်ကြုတ် ဆာလောင်လာသည်။
၂။
“လင်းစက်ရေ ငါတော့ ရူးချင်လာပြီ။ ငါတော့ မှားပြီ သယ်ရင်းရယ်”
ရွှေစင်က အိပ်ရာပေါ်မှ ၀မ်းနည်းသံကြီး စွက်၍ ညည်းတွားနေလေသည်။
“ဒါများ ဘာခက်လို့တုံး အစင်ရဲ့။ ဖြိုးကြီး သီချင်းလိုပေါ့။ ရင်မှာ အချစ်များ အို မှားပြီ၊ အချစ် ရေ___ ငါမှားပြီ___ ရင်နာတာများ___”
လင်းစက်က ရွှေစင် ခြေရင်းနားက လွတ်နေသော နေရာမှာ ၀င်ထိုင်လိုက်ရင်း ကျီစယ်နေသည်။
“ဟာ နင့်အသံပြဲကြီးနဲ့ တိုးတိုး။ အာကြီး ကြားသွားမှ ဟုတ်ပေ့ ဖြစ်နေဦးမယ်။(အာကြီး ဆိုသည်မှာ သူမတို့ အောက်ထပ်မှ အဆောင်မှူးကို အာပြဲ လွန်း၍ အပ်နှင်း ထားသော ဘွဲ့ထူး ဂုဏ်ထူးကြီးဖြစ်၏။) ငါ ဘာစာမှ မရတော့ဘူး။ မနက်ဖြန် ငါ ဘယ်လို မျက်နှာနဲ့ စာမေးပွဲခန်းထဲ ၀င်ရမလဲ”
“အံမယ် သူများကြားရင် နင့်ကို အရင်က စာရပြီး ခုမှ စာမရသလို ထင်နေဦးမယ်။ လုပ်မနေနဲ့။ ဒီမှာ အံတိုနေပြီ။ စာမေးပွဲ ဖြေစားလာတာ သုံးနှစ်ရှိပြီ။ နင် သည်လိုပဲ မျက်နှာပြောင် တိုက်ပြီး အခန်းထဲ ၀င်နေကျ။ ဟွန်း ငါသိတယ် မိန်းမရဲ့။ ဟဲ့၊ ဒါနဲ့ ဟို သာဂိက နင့်ကို မနက်ဖြန် စာမေးပွဲ နောက်ဆုံးနေ့မှာ အဖြေတောင်း ထားတယ်နော်”
ရွှေစင်က အလန့်တကြား မျက်လုံးပြူးသွားလေသည်။ ဟုတ်ပါရဲ့။ သာဂိဆိုတာ သူမတို့ နှစ်ယောက် ပေးထားသည့် နာမည်။ အမည်ရင်းက သာလင်း။ သူက ရွှေစင့်ကို ပထမ အမ်ဘီကတည်းက အရူးအမူး စွဲလမ်း တွယ်ငြိနေသူ ဖြစ်၏။ ယခု တတိယ အမ်ဘီ၏ ဖိုင်နယ် ဖြေနေချိန်ထိ အပူ တပြင်းနှင့် သူမထံမှ အဖြေကို ဇွတ်တောင်းနေတော့သည်။ အဆောင်ကို စာမေးပွဲရက် မဟုတ်တဲ့ ညတိုင်းလိုလို ဂစ်တာ လာတီးပြီး အာကြီး၏ အမုန်းကို နေ့စဉ်နှင့် အမျှ ခံနေရရှာ သူလေးအတွက် ရွှေစင့် သံမဏိ အသည်းက တဖြည်းဖြည်း ပုံ၍ပုံ၍ ကျလာသည်။
ရွှေစင် သာလင်းကို ချစ်မိသွားပြီ။ ဘယ်လိုလုပ်ပြီး ချစ်မိသွားသလဲ သူမပင် မသိလိုက်။ သူမက ရကောက် အုပ်စု၊ သူက သအုပ်စုဆိုတော့ ညနေပိုင်း ဆက်ရှင် တူကြတာချင်း သည်လည်းကောင်း၊ ဒုတိယနှစ်တုန်းက အနာတမီ တစ်ရှူးစတွေ ကြည့်သည့် ဟစ်စတော် လော်ဂျီခန်းမှာတုန်းက ရွှေစင့် လက်ချက်ကြောင့်Slideနဲ့ ပြားတစ်ချပ်ကျ ကွဲသွားခဲ့တာကို အစား လျော်ပေးတာတွေ သည်လည်းကောင်း၊ နီးစပ်စေမှုများအား ခွဲခြမ်း စိတ်ဖြာကြည့်နေသည်။
မည်မျှ အတွေးနက်ရှိုင်းသွားသည်မသိ။ လင်းစက် အသံကြားမှ ဖျတ်ခနဲ သတိဝင်လာသည်။ မနက်ဖြန် Micro (အဏုဇီဝဗေဒ) စာမေးပွဲကြီး။ အတွေးစ တွေကို စိတ်တံမြက်စည်းဖြင့် အလျင်အမြန် သိမ်းကော် လှည်းကျင်းပစ်လိုက် ရသည်။ သူမက ဖတ်လက်စ Parasitology(ကပ်ပါးပိုးမွှားဗေဒ)စာအုပ်ကို ကောက်ကိုင်လိုက်ရင်း “လင်းစက် Life Cycle of Malaria Parasite in Man (ငှက်ဖျားပိုး၏ လူတွင်ကျင်လည်ပုံ)က ဖိုက်ဖ်စတားလားဟင်”
“ဟာ အေးပေါ့ သည့်ထက် အရေးကြီးတာ ရှိမလား။ ပါမှာ၊ ကျက်သာ ကျက်”
“ခြင်ကြောင့် ဖြစ်တဲ့ ရောဂါထဲက ဘာမေးမယ် ထင်လဲ”
“ဘယ်သိမှာလဲ။ ငါက ပရော်ဖက်ဆာမှ မဟုတ်ဘဲ အစင်ရယ်။ နင်ကလည်း သုံးလေးပုဒ်ကိုများ ကျက်လိုက်ပါဟယ်။ Test တုန်းကလည်း ကျက်ထားတာပဲ”
အတူတူနှင့် အနူနူချင်းတောင်မှ လင်းစက်က နှာတစ်ဖျား အသာယူ၍ နှစ်သိမ့်ပေးနေလေသည်။
“ဟာ သည် သောက်ခြင်တွေ၊ အမျိုးယုတ်တွေ။ ဟွန်း သူတို့ ရှိနေလို့ ငါတို့ သည်စာတွေ ကျက်နေရတာ။ ငါတော့ ရှိသမျှ ခြင်ကို DDT ဖျန်းပြီး သတ်ချင်တော့တာပဲ”
ရွှေစင့်အသံက ကျယ်သွား၍ သူမ ပါးစပ်ကို လင်းစက်က အလျင်အမြန် ဆွဲအုပ် ပစ်လိုက်ရသည်။
၃။
သူသည် အလွန်တရာ ဒေါသထွက်ခဲလှသော ခြင်ဖိုတစ်ကောင် ဖြစ်သည်။ တော်ရုံနှင့်၊ အို...၊ အလွန်ဆုံး သူ့ကို ထိပါးရင်တောင် သည်း ခံနိုင်သည်။ ဒါပေမယ့် အစောက ကြားလိုက်ရတဲ့ စကားတွေကြောင့် အမျိုးထိလျှင် ဆူပွက်လာသော သွေးက အရှိန် တက်လာလေသည်။ DDT ကို သူ ကြောက်သည်။ တစ်လောက ဟိုဘက် ရပ်ကွက်မှာ သွေးလွန် တုပ်ကွေးဖြစ်သော ကောင်လေး တစ်ယောက်ကြောင့် ထိုအိမ်အနီး တစ်ဝိုက် DDT လိုက်ဖျန်းခဲ့သည်။ အဲသည်မှာ တင်ပဲ သူ့မိတ်ဆွေတွေ အလုံးအရင်း သေဆုံး သွားခဲ့ရှာသည်။ တွေးနေရင်းပင် သူ့ရင်တွေ ဆီမှာ ၀မ်းနည်းခြင်း လှိုင်းတံပိုးတွေ ရိုက်ခတ်လာသည်။
“လုံမနဲ့ မိကျား လာဦး”
“ဘာတုံး မဲလုံးရဲ့”
“အေး...၊ ငါ သွေးကြွေး ဆပ်မယ်။ ငါတို့ ခြင်တွေကို စော်ကားလွန်းရာ ကျနေတဲ့ အတွက် အားလုံးကိုယ်စား ကလဲ့စားချေရမယ်”
မိကျားက လက်ခမောင်း ခတ်နေသော မဲလုံး အား အလန့်တကြား ငေးကြည့်နေသည်။ လုံမ ရောပါပဲ။
“မောင်ရယ်၊ ရှင် ဒေါသမကြီးပါနဲ့ရှင်။ ကျွန်မမှာလည်း ကိုယ်လေး လက်ဝန်ကြီးနဲ့လေ။ ဟိုက လူ၊ ရှင်က ခြင်။ မခံနိုင်လည်း ရှင်က ဘာတတ်နိုင်... နိုင်...”
လုံမ ဖျောင်းဖျနေစဉ်မှာပဲ မဲလုံးက တဇွတ်ထိုး ပျံသန်းသွားခဲ့သည်။ လက်မောင်းသား ဖြူဖြူဖွေးဖွေးထဲသို့ သူ့နှာတံတွေကို အားရပါးရ ထိုးသွင်း ပစ်လိုက်သည်။ ခြင်ဖိုဖြစ်၍ တစ်ခါမျှ သွေးမစုပ်ဖူးသော သူ့နှာတံတွေ ကောက်ကွေး တွန့်လိမ်သွားပေမယ့် လက်မလျှော့သေး။ တစ်ချီမှာ သူ့နှာတံ တစ်ဆစ်က မိန်းမပျို၏ အသားစိုင်ထဲ စိုက်ဝင်သွားသည်။
ထိုစဉ်...။
နာကျင်ကိုက်ခဲမှု ဝေဒနာ အစုစုကြားထဲက လုံမ၏ စိုးရိမ်တကြီး အော်လိုက်သံကို သူ နှစ်ခြိုက်စွာ နားဆင်နေသည်။ ပြားဝပ်သွားသော သူ၏ ကိုယ်ထည် အောက်မှာ သွေးရည်တွေ တရစပ် စီးဆင်းနေပြီဆိုတာ သူသိ၏။ လုံမလေး နင်မလာနဲ့လို့ သူအကျယ်ကြီး အော်ပြောလိုက်ချင် ပေမယ့် လက်တွေ့မှာတော့ ထိုအသံက သူ့ လည်ချောင်းဝ ဆီမှာ ဆို့နင့် တိမ်ဝင်သွားလေ သည်။ ရုတ်တရက် သူ့အသိထဲ တရစပ် ၀င်လာတာ သူ့ရင်သွေးလေးတွေဖြစ်၏။ ဖခင်ဟူသော ဂုဏ်ပုဒ် တစ်ခုကို အကျေနပ်ကြီး ကျေနပ် နေခဲ့ရသော နေ့ရက်တွေကို လွမ်းဆွတ် နေရင်းနဲ့ပဲ သူသေဆုံး သွားခဲ့လေသည်။
“မလုပ်နဲ့ လုံမ။ မလုပ်နဲ့လေ...”
အချစ်စိတ်ဖြင့် မွှန်ထူသွားသော လုံမက မကြားနိုင်တော့ဘဲ တစ်ဟုန်တိုး ပြေးထွက်သွား သည်။ “ဖြန်း” ဟူသော အသံ တစ်ခု၏ နောက်မှာ လုံမ ၀ိညာဉ်တွေ ကပ်ငြိပါသွားမလားဟု စိုးရိမ် ထိတ်လန့်စွာ မိကျားက ဆန်းစစ် ကြည့်နေသည်။ ခေါင်းတစ်ပိုင်း၊ ကိုယ်တစ်ပိုင်း ပြတ်သွားသော လုံမ။ မိကျားရဲ့ အချစ်ဆုံး သူငယ်ချင်း လုံမ။ ခုတော့...ခုတော့...။
မိကျားက ဆို့နင့် အက်ကွဲစွာဖြင့် တံတွေး တစ်ချက်ကို ခက်ခဲစွာ မျိုချ ပစ်လိုက်ရသည်။ မိကျား နောက်ဆုံး မြင်လိုက်သည်က လုံမ၏ မျက်ရည်စတွေ ဖြစ်၏။ သူငယ်ချင်း လင်မယား၏ အဖြစ်ဆိုးကို တခြား အခန်းဖော်များအား လိုက်ပြောရင်း သူမပါ အခန်း ပြောင်းဖို့ ကြိုးစားရတော့မည်။ အခန်းပြောင်းမှ မဟုတ်ဘူး။ အဆောင်ပါ ပြောင်းမှပါ။
ဆေးကျောင်းသူနဲ့ ဆရာဝန်ဆိုတဲ့ လူတန်း စားတွေဟာ လူ့အသက်ကို ကယ်ပါတယ် ဆိုပြီး ဂုဏ်ယူ ၀င့်ကြွားနေသလောက် တစ်ဖက်မှာတော့ စိတ္တဇ ခြင်သတ် သမားတွေ ဖြစ်နေကြပြန်တယ်။ ဒါဟာ ခြင့်အခွင့်အရေး ချိုးဖောက်မှုပဲ။ ခြင် တစ်ကောင်စီမှာRight ရှိတယ်။ အဲဒီ Right အတွက် ခြင်တွေ တိုက်ပွဲဝင်သင့် ၀င်ရမယ်။ နာကြည်းစွာ ပျံသန်းသွားသော သူမ၏ ကိုယ်ခန္ခာသည် ထိုအခန်းမှ အထွက် ပြင်းပြသော ဝေဒနာကြောင့် အောက်သို့ ပြုတ်ကျလေ၏။ သူမအပေါ် မိုးထားသော စာလုံးများအား နောက်ဆုံးအနေဖြင့် ကြိုးစား၍ ဖတ်လိုက်သည်။
Lynn Satt Nwe, 3rd MB, Parasitology ...
စာအုပ်၏ အလေးချိန်သည် အချိန်တို အတွင်းမှာပဲ သူမ၏ ဇီဝိန်ကို နှုတ်ခြွေ သွားတော့မည်။ ငနဲမ၏ စိတ်မထင်လျှင် မထင်သလို ကောက်ပေါက် တတ်သော စာအုပ် လက်နက်ကြားမှာ သူမ သေပွဲဝင်ရတော့မည်။ MBBS ဟူသော စာတန်းကို ရင်နာစွာဖြင့် ကြည့်လိုက်သည်။ မိကျားက ဟိုးရိုးတွင်း ခြင်ဆီထဲမှ အားကို ကုတ် ခြစ်ယူ၍ ရှိသမျှ အားနှင့် ရွံရှာ စက်ဆုပ်စွာ တံတွေး ထွေးချ ပစ်လိုက်သည်။ “ထွီ” ဟူသော အသံသည် အဖျားခတ်ကာ ဆန့်တငင်ငင် ထွက်သွားခဲ့လေသည်။
၎။
ခြင်သုံးကောင်၏ အဖြစ်အား အစအဆုံး မြင်တွေ့သွားသော ကိုရွှေပင့်ကူသည် မိကျားအား တိတ်တဆိတ် ချောင်းမြောင်းကာ လစ်ရင် လစ်သလို တွယ်ဖို့ ခုတင်ခြေရင်းက အမှိုက်ပုံး နားမှာ ပုန်းနေတာပဲ ဖြစ်၏။ ဒါပေမယ့် သူရရှိလိုက်တာ မိကျား၏ တံတွေးစ အစက်တွေပဲ ဖြစ်၏။ ဘာပဲဖြစ်ဖြစ် သူသည် သတင်းကို အခန်းဖော် ပင့်ကူများအား ဖြန့်ရမည်။ သူအလျင်အမြန် ဖြန့်နိုင်မှ သူ့အခန်းဖော်များက သူ့ကို လေးစားကြမည်။ ပြီးတော့ သူက ဂျပိုးကို လိပ်ဖြစ်အောင် ပြောပြီး သူရဲကောင်း ၀င်လုပ်ပြမည်။ ဟုတ်ပြီ။
ခပ်သော့သော့လေး ပြေးနေသော ကိုရွှေပင့်ကူ၏ ခြေလှမ်းတွေသည် တစ်စုံတစ်ခု၏ ဆောင့်ဆွဲခံရမှုကြောင့် ရုတ်ခြည်း နာကျင် သွားလေသည်။ သူ၏ ဦးခေါင်းမှ စိုစွတ်မှုနှင့် နာကျင်မှု။ အထိအတွေ့ အာရုံနှစ်ခုကို ရေရာစွာ မခွဲခြားနိုင် သေးခင်မှာပဲ ဒါဟာ အိမ်မြှောင် တစ်ကောင်ရဲ့ သွားရည်တွေနဲ့ သွားတွေပဲဟု နောက်ကျစွာ သိရှိသွားသည်။ အိမ်မြှောင်က သူ့အား မညှာမတာ ကိုက်ဖြတ် ၀ါးမျို ပစ်လိုက်လေသည်။ ပင့်ကူ၏ အရသာကို ခံစားပြီးသွားသော အိမ်မြှောင်သည် ဂုဏ်ယူ ၀င့်ကြွားစွာဖြင့် တံခါးဝဆီသို့ လျှောက် လာနေသည်။
“မင်းတစ်ယောက်တည်း သည်ကိစ္စကို သိတာ မဟုတ်ဘူး။ ငါလည်း သိတာပဲ။ ခုတော့ ခြင်ဇာတ်လမ်းကို သိတာ ငါတစ်ကောင်တည်း၊ ငါတစ်ကောင်တည်းပေါ့။ ဟား ဟား”
အိမ်မြှောင်က အားပါးတရ ရယ်မော လိုက်ပေမယ့် လက်တွေ့မှာတော့ ထိုအသံက “ကျွတ် ကျွတ်” ဟူ၍...။
ရုတ်တရက် ...။ သူ့ရှေ့မှာ ဘွားခနဲ ပေါ်လာသည့် မိန်းမ ၀၀ကြီးအား ကြောက်ရွံ့စွာဖြင့် ပွင့်အံ သွားသော တံခါးမကြီး၏ ပတ္တာအို နားမှာ အသာလေး ၀င်ခိုနေလိုက်သည်။ သည်မိန်းမကြီး ဘာလာ လုပ်တာပါလိမ့်။
“လင်းစက်နွယ်နဲ့ ရွှေစင် ညည်းတို့ လွန်လာပြီနော်။ လူကြီး တစ်ယောက် အောက်ထပ်မှာ ရှိနေသေးတယ်ဆိုတာ မမေ့နဲ့။ ညည်းတို့ စိတ်လွတ် ကိုယ်လွတ်နေဖို့ သည်အခန်းကို ငှားရမ်းထားတာ မဟုတ်ဘူး။ အစောက “ဘုန်းခနဲ” ပြုတ်ကျတာ ဘာလဲ။ ငါအခု လန့်လွန်းလို့ သွေးကျဆေး သောက်နေရတယ်ဟဲ့...”
ရွှေစင်က အဆောင်မှူးအား မျက်စိပျက် မျက်နှာပျက်စွာ ကြည့်နေလေသည်။
“ဟို ဟို အဲဒါ လင်းစက်ရဲ့ Bailey & Love စာအုပ်ကြီး ပြုတ်ကျ သွားတာပါ မမ၊ နောက် အဲလို မဖြစ်စေရပါဘူး။ ခုဟာက ခွဲစိတ်ကု ပညာကို စိတ်ဝင်စားလွန်းလို့ ငြင်းခုံကြရင်း ဖြစ်သွားတာပါ”
လင်းစက်က အတန်ငယ် ပျော့ပျောင်းသော လေသံဖြင့် အတိုင်ပင်ခံ ခွဲစိတ် ဆရာဝန်မကြီး (အဆောင်မှူး) အား အပျော့ ဆွဲလေး ဆွဲလိုက်သည်။ Bailey & Love လို စာအုပ်ထူကြီးအား ဘုရားပေးပေး၊ ကျမ်းပေးပေး ဘယ်သော အခါမှ ဖတ်ဖို့ အသိတရား ၀င်မည် မဟုတ်သော သူမတို့ နှစ်ယောက်၏ မုသားကို မသိရှာသော ဆာဂျင်မမက သဘောကျ သွားလေသည်။ အမှန်က ပြုတ်ကျသွားသော စာအုပ်မှာ လင်းစက် ပစ်ပေါက်လိုက်သော Micro Parasitology စာအုပ်လေးသာ ဖြစ်၏။
“ဟုတ်လား အေး အေး။ အခုဟာက ဘာကိစ္စနဲ့ ပတ်သတ်ပြီး အငြင်းပွားတာလဲကွဲ့”
“ခြင် အဲ ဟုတ်ပေါင်။ ခြင်ကိုက်လိုက်တာလို့။ ဟိုလေ...”
ရွှေစင်က ကြောက်အားလန့်အားနှင့် ထစ်ထစ်အအ မှားမှား ယွင်းယွင်းတွေ ဖြစ်ကုန်သည်။ အခြေအနေအရ လင်းစက်က ပွဲဝင်ထိန်းပေးလိုက်ရသည်။
“ဟိုလေ မမ။ ခြင်ကြောင့်ဖြစ်တဲ့ ဆင်ခြေထောက် ရောဂါလေ။ Elephantiasis ဖြစ်ရင် Surgically ပြုပြင်လို့ ရမရ။ ငြင်းနေကြတာပါ”
အမျိုးသမီးကြီးက နှစ်ခြိုက်စွာ ပြုံးလိုက်သည်။
“သြော် ညည်းတို့က Filariasis ကို စိတ်ဝင်စားသကိုး။ ဟုတ်ပြီလေ။ မနက်ဖြန် တို့အခန်းကို ညနေကျ လာခဲ့။ တို့ရှင်းပြမှာပေါ့။ ဒါက ငြင်းနေလို့မှ မပြီးတာ”
“ဟုတ် ဟုတ်ကဲ့ မမ”
အိမ်မြှောင်က ထိုမိန်းမကြီး၏ မျက်နှာအား အနီးကပ် သေချာစွာ ကြည့်လိုဇောဖြင့် ပတ္တာအိုကြားမှ ထွက်ဖို့ကြိုးစားသည်။ သို့သော် ၀ဖိုင့်သော ခန္ဓာကိုယ်နှင့် မလိုက်ဖက်စွာ အလွန်တရာ လျင်မြန်သော အမျိုးသမီးကြီး၏ တံခါးဆွဲ ပိတ်လိုက်သံ အောက်မှာ သူ့နံရိုးတွေ တစ်ချောင်းချင်းစီ ပြုတ်ထွက်ကုန်သည်။
“ကျွတ် ကျွတ်”
အိမ်မြှောင်၏ နောက်ဆုံး ညည်းချင်းသည် မနက်ဖြန် စာမေးပွဲကြီးအတွက် ပြင်ဆင်နေရသော ဆေးကျောင်းသူနှစ်ဦး၏ သားချော့တေး တစ်ပုဒ် အဖြစ် အသွင်ပြောင်းသွားလေသည်။
၅။
မနက်ဖြန် ညနေမှာ အဆောင်မှူးဆီ သွား၍ သူမ လေကျယ်သမျှ ခေါင်းလေးတညိတ်ညိတ် လုပ်ကာ နားထောင်ပြရတော့မည်။ သည်အသိကြောင့် သူမတို့ နှစ်ဦးစလုံး စိတ်ပျက်လက်ပျက် နှင့် မနက်ခြောက်နာရီ နှိုးစက်ပေးကာ အိပ်ဖို့ ပြင်ရတော့သည်။
“ပါဏာတိပါတာ ဝေရမဏိ သိက္ခာပဒံ သမ္မာဒိယာမိ”
“မုသာဝါဒါ ဝေရမဏိ သိက္ခာပဒံ သမ္မာ ဒိယာမိ”
မိန်းမပျိုနှစ်ဦး၏ ကသောကမျော တည်ဆောက်လိုက်သည့် ငါးပါးသီလ ဘုရား ရှိခိုးသည် အပြင်ဘက်မှ နားထောင်လျှင် တိုးတစ်ချက် ကျယ်တစ်ချက် လွင့်ထွက်လာလေသည်။ တစ်ဆောင်လုံး ဆရာဝန်တွေသာ ရှိသော သူမတို့ အဆောင်ကြီး၏ ပထမထပ် ညာဘက်ခန်းဆီမှ မီးခလုတ် ပိတ်သံ။ ပြီးနောက် ပန်ကာဖွင့်သံ။ ပြီးနောက် အသက်ရှူသံ။
များမကြာမီမှာပဲ မြောနေသော အိမ်မြှောင် တစ်ကောင်၏ မျက်လုံး အိမ်များမှ မျက်ရည်ပွင့်များ ကြမ်းခင်းနှင့် မိတ်ဆက်သွားသည်။ ငါးပါးသီလ တရားတော်ကို နာကြည်းစွာ ကြားနာ နေသော အိမ်မြှောင်၏ မျက်ရည်နှင့် ကြမ်းပြင် တိထွေ့သံသည် နရီမမှန်သော စည်းချက်များ အဖြစ် တိတ်ဆိတ်နေသော ညတစ်ခုမှာ အက်ကွဲစွာ ထွက်အံကျလာခဲ့လေသည်။
နိဂုံး။
စာမေးပွဲ ညများ၏ မသိလိုက် မသိဘာသာ အကုသိုလ်များသည် တရားဝင်ပါသလား။ ထိုသို့ မေးခွန်း ထုတ်နေရင်းနှင့်ပင် ကျွန်မ၏ မနက်များ၌ ယောင်ယမ်း ရိုက်မိခဲ့သော ခြင်များအား ကြမ်းပေါ်၌ ပြန့်ကျဲစွာ တွေ့ရလေ့ရှိပါသည်။ ထို့ကြောင့် မေးခွန်း ထုတ်မိသော ကျွန်မ နှုတ်သားများအား အားနာစွာဖြင့် ဤ၀တ္ထုဖြင့် သင်ပုန်း ချေလိုက်ပါသည်။ သူတို့ အားလုံး ဥဒါန်းကျေ၏ မကျေ၏ ဆိုသည်မူကား...။
လင်းစက်နွယ်
No comments:
Post a Comment