နားထောင်ပါမေမေ

 
အချိန်- ဇန်န၀ါရီ ၂၀၁၂
နေရာ- စာရေးစားပွဲ
အကြောင်းအရာ- စိတ်ဓာတ်ကျခြင်း။
သို့....မေမေ...။
ခုတော့ မေမေ့ကိုပဲ လိပ်မူဖြစ်ခဲ့တယ်။ ပြောချင်တာတွေကတော့ အများကြီးပဲ....

စာမျက်နှာ (၁)
မလွယ်ဘူးမေမေ။ ဒါက ညည်းချင်း တစ်ပုဒ်ဖြစ်ကောင်း ဖြစ်လိမ့်မယ်။ ဒါပေမဲ့ ကျေးဇူးပြုပြီး နားထောင်ပေးပါ မေမေ။ ဘ၀မှာ ရန်ဖြစ်ဖော်ဆိုလည်း အမေ၊ တိုင်ပင်ဖော်ဆိုလည်း အမေ၊ အမေက ဆန့်ကျင်ဘက် နှစ်ခု။ ဓာတ်ခဲ တစ်လုံးနဲ့ အဖိုအမ ငုတ်တိုင် နှစ်ခုလို့ဆိုလည်း မှားမယ် မထင်ဘူး။ ခလုတ်ထိ မှ အမိတတာတော့  မဟုတ်ပါဘူး။ ဒါပေမဲ့ အလင်းယိုင် နိယာမတွေ များလာတဲ့ အခါ လူတွေကလည်း ကိုယ်ပြောတာကို နားမထောင် ပေးချင်တဲ့ အခါ မေမေ့ကိုပဲ ပြေးမြင်ယောင်မိလာတယ်။

စာမျက်နှာ (၂)
ဇန်န၀ါရီလရဲ့ ရှိသမျှနေ့စွဲတွေက ပြဿဒါးတွေနဲ့ပဲ လိမ်းကျံထား
လေသလား။ တစ်ရက်မှ ထောင့်မကျိုးဘူး။ ကိုယ့်ကိုယ်ကိုလည်း ဘာလုပ်လို့ ဘာကိုင်ရမှန်း မသိတော့တဲ့ သပွတ်အူတစ်ခုလိုပဲ။  ကံကြမ္မာဟာ ၀ဲဂယက် တစ်ခုဆိုရင် သမီးက စုံးစုံးမြုပ်သွားတဲ့ လှေတစ်စင်း လိုပေါ့။ ပုထုဇဉ်တွေ မဟုတ်လား။

ထိုင်နေတုန်းအကောင်း၊ ထသွားမှ ကျိုးမှန်းသိခွင့်ရတဲ့ ကိုယ့်အဖြစ်ကိုယ်အား နာကြည့် ကြည့်နေရုံကလွဲပြီး လက်ပြနှုတ်ဆက်ဖို့လည်း သတိမရခဲ့ဘူး။ ကိုယ့်ပြဿနာနဲ့ကိုယ် တိုင်ပတ်နေတာမျိုးပေါ့။ တစ်နေ့တုန်းကတော့ လူတွေ တရစပ် ပြေးလွှားနေတာကို တစ်နေရာက ချောင်းကြည့်ဖူးတယ်။ လူတွေက သူ့အပူသူ မမြင်ကြဘူး။ ဒါမှမဟုတ် ပူလို့ပူမှန်း မသိတာလည်း ဖြစ်နေနိုင် သေးတာပဲ။ ဘာပဲပြောပြော သူတို့က အပူသည်ရုပ်တော့ မပေါက်ဘူး မေမေ။ သူတို့ကို အားရပါးရ ဝေဖန်ပြီးမှ ကိုယ့်အဖြစ်ကိုယ် ပြန်သုံးသပ်မိ တယ်။ တကယ်တော့ သမီးကလည်း အသုံး မ၀င်တော့တဲ့ စာခြောက်ရုပ်အို တစ်ရုပ်ပါပဲ။ ဘယ်ငှက်မှလည်း မလေးစားဘူးလေ။

စာမျက်နှာ (၃)
အိပ်မက်တွေ သိပ်များလွန်းတဲ့ သမီးကို တချို့က ခပ်တည်တည်နဲ့ တံဆိပ်ခတ်ပစ်ကြတယ်။ လောဘကြီးတာတဲ့လေ။ သူတို့ပြောတာလည်း မလွန်ပါဘူး။ တကယ်တော့ အိပ်မက်ဆိုတာ တဒင်္ဂမက်ခွင့်ရပြီး နိုးလာရင် တမ်းတစရာ၊ စကားစမြည်ပြောစရာ အမြည်းစားစရာပါပဲ။ ဒါပေါ့မေမေ အိပ်မက်တွေကိုပဲ အစစ်လို့ ထင်မှတ်ခဲ့ပြီး ဘ၀တစ်ခုလုံး မြုပ်တဲ့အထိ ပေးဆပ် ခဲ့ဖူးရဲ့။ မေမေသိလား။ နောင်တဆိုတာ နောင်မှရတဲ့အမျိုးလေ။ အလင်း ရောင်တွေရဲ့အောက်မှာ သမီးကိုယ်သမီး ထုဆစ်နိုင်လိမ့်မယ်လို့ ဘယ်လို အတွေးနဲ့များ ယုံကြည်မိပါလိမ့်။ ခုတော့ မေမေရယ်။ ဒစ်္စကို မီးရောင်တွေက ပဲ သမီးရဲ့ ကကြိုးပျက်ဟန်ကို စနစ်တကျ ရယ်မောဟားတိုက် ပြသေးတယ်။ သမီးက ဓာတ်ခဲမကောင်းတော့တဲ့ လက်နှိပ်ဓာတ်မီး တစ်လက်ပါ အမေရယ်။

စာမျက်နှာ (၄)
လူတွေကို ပြောလိုက်ရင်တော့ အပျံစားပဲ။ ဘ၀က ပန်းရထားမှ မဟုတ် တာ။ ဒါပေမဲ့လည်း ဖက်တွယ်မှုတွေ ကွဲပြားလာတဲ့အခါ သူငယ်ချင်းတွေ က ရန်သူဖြစ်သွားသလားတော့ မသိဘူး။ အလုပ်ထဲမှာလည်း အဆင်မပြေ ဘူး မေမေ။ ပေးဆပ်တယ်ဆိုတာ အပြောသာချိုတာ။ တကယ့်လက်တွေ့ တော့ ပွန်းပဲ့သွားတာပါပဲ။ ဒါပေမဲ့လည်း ပွန်းသွားတဲ့ ကျောက်ဆို ဈေးကွက် က နေရာ သိပ်မပေးချင်တော့ဘူး။ ဒါနဲ့ပဲ မထင်မရှား ကျောက်တစ်ပွင့် အဖြစ် လူတွေရဲ့စဉ်းတီတုံးအောက်ထပ် ရောက်ခဲ့သေးတယ်။

စာမျက်နှာ (၅)
အဆင်မပြေပါဘူး မေမေရယ်။ ခက်တာက အဲလိုပြောလိုက်ရင် လူတွေ က သမီးရဲ့ ပြည့်စုံခြင်းကိုပဲ မြင်ပြီး သူဘာလို့ အဆင်မပြေသလဲလို့ တအံ့ တသြ ဖြစ်သွားတာကလွဲလို့ ဘာဆေးမှ မပေးနိုင်ကြပါဘူး။ တစ်နေ့တုန်း ကတော့ ခဲမမှန်ဖူးတဲ့ စာသူငယ် ခဲမှန်သွားတယ် ပြောရမယ်။ ပစ်တဲ့ခဲက သေးသေးလေးပါ။ ပစ်တဲ့သူက အကြီးကြီးမို့လား။ နှလုံးသားတည့်တည့် မှန်သွားဖူးတယ်။ သူပြောတာလည်း မှန်ပါတယ် အမေရယ်။ ဒါပေမဲ့လည်း လူဆိုတာမျိုးက နေပူမိုးရွာ ထီးမဆောင်းကြတဲ့သူတွေမှ မဟုတ်ဘဲ။ အရိပ် အရ ဖမ်းဆုပ်ရတာမျိုး ရှိချင်ရှိမှာပေါ့နော်။ တစ်ခါတလေတော့လည်း လူတွေ ဘာပြောပြော ကိုယ်သိပ်ကြိုက်တဲ့ ထီးတစ်ချောင်းကိုပဲ တစ်သက်လုံးသုံးသွား ချင်တာမျိုး။ ထီးရွက်တွေ စုတ်ချင်စုတ်ပါစေ။ သူပေးမယ့် အရိပ်တစ်ခုက ကိုယ့်ဝိညာဉ် ဘယ်တော့မှမခွာချင်တာမျိုးပေါ့။ ထူးတော့ထူးတယ်။ နေရာရ မသွားတဲ့အတွက် ကိုယ့်ကိုယ်ကိုလည်း စုတ်သပ် မနေတော့ပါဘူး။ ဥပမာတွေ အပေးခံလာရတဲ့ အခါအိမ်စာလုပ်ဖို့ လစ်ဟင်း သွားတဲ့ ကျောင်းသားလို ဘ၀ထဲက ထွက်ပြေး ချင်လာတယ်။ ပူတယ် အမေရေ။ အလျင်စလို ရှိခိုးလိုက်တော့ ဘုရားကိုတောင် နည်းနည်းအားနာသွားတယ်။ လူတွေက ပူတော့မှအအေးကို တောင့်တတတ်တာ မဟုတ်လား။

စာမျက်နှာ (၆)
ရယ်ရတာတစ်ခုက သမီးလို ကြက်ကန်းမျိုး က ဆန်အိုးလည်း တိုးတတ်သေးရဲ့။ သည်လို ပါပဲ။ ကံကြမ်္မာကို သမီးကြိုက်သလို ခြယ်လှယ် ထားရတာ မဟုတ်ရပါဘူး။ ကြက်ခြေခတ်တွေ ပဲ များလာတဲ့ ဘ၀မှာ တစ်ခါတလေ ဆန်အိုးတိုး တော့ ပုထုဇဉ်မို့ ပျော်မိတာပဲ။ ဆန်အိုးကလည်း တယ်ကြီးဆိုပဲ။ အင်း ဘယ်သူတွေ အတွက်တော့ ကြီးနေလဲ မသိဘူး။ သမီးကတော့ ဆန်အိုးသာ တိုးမိတာပါ။ ဆန်တစ်စေ့မှ စားမ၀င်တော့ပါ ဘူး။ သူရဲဘောကြောင်တယ်ပြောပြော သမီး အရှုံးပေးချင်ပြီ။ လူတွေက ဆုတွေ၊ ဆက်တီဖီ ကိတ်တွေ၊ ဒီပလိုမာတွေကိုမှ လိုချင်နေကြ တာလား။ ဆန်အိုးတိုးမိသွားတဲ့ ကြက်ကန်းမ တစ်ကောင်ကိုရော ထောမနာမပြုချင်ကြဘူး လား။ လက်ခုပ်သံကြားမှ လှည့်ကြည့်မိတယ်။ သြော် နောက်ဆုံးတော့ ကိုယ့်အဖြစ်ကိုယ် ပြန် အားပေးရပြန်တာပဲ။

စာမျက်နှာ (၇)
လူ့ဆိုက်ကိုဟာ ဆန်းကြယ်သားပဲ။ ဘာမှ မဟုတ်တော့တဲ့သူလို့ ပြောချင်လည်းပြော၊ တစ်ပြိုင်တည်း အဲဒီလူကိုပဲ တွယ်ဖက်ချင် တွယ် ဖက်တတ်သေးတာ။ သမီးလို အမှိုက်တစ်စက ရီဆိုက်ကယ် လုပ်ရလောက်အောင် ကွာလတီ မပေးပါဘူး အမေရယ်။ အဲဒီအမှိုက်ကိုပဲ Reuse ဆိုပြီး ထပ်ခါထပ်ခါ သုံးစွဲခဲ့သေးတာ။ အဲသလို စိတ်ကြိုက် သုံးစွဲပြီးရင် စနစ်တကျ စွန့်ပစ်သင့် တာပေါ့နော်။ ဒါပေမဲ့ သမီးလို အညတရ အမှိုက် စကို ဘယ်သူမှလည်း သေသေချာချာ မစွန့်ပစ် ချင်ကြပါဘူး။ အဲတော့ Reuse ဆိုပြီး ငြင်းဆန် မှုတွေရဲ့ ဒဏ်ထဲမှာ ကိုယ့်အိပ်မက်ကိုယ် သော့ ခတ်ဝါးမျိုစေလိုက်တယ်။ နည်းနည်း သက်သာ သွားတယ် မေမေ။

စာမျက်နှာ (၈)
သည်နေ့ညတော့ အရင်ညတွေထက် စိတ် ဓာတ်ပိုကျတယ် မေမေ။ ပြန်ကောက်လိုက်တိုင်း  လွတ်ကျသွားတတ်တဲ့ စိတ်ဓာတ်ကို အဖတ်ပြန် ဆယ်မနေတော့ပါဘူး။ စာရေးစားပွဲလည်း ရှုပ်ပွ နေတာပဲ။ အခန်းတစ်ခုလုံးလည်း ရှုပ်ပွနေတာပဲ။ သမီးရဲ့ စိတ်လည်း ရှုပ်ပွနေတာပဲ။ အခန်းက လည်း အမှိုက်ပုံနဲ့ကို တူနေပြီ။ လေပါတယ် အမေ ရယ်။ ဘောပင်ကိုင်လိုက်တိုင်း နောင်တတွေပဲ ထွက်ပြူလာတာက လွဲရင် ဘ၀ကို ထပ်ပြီး စာစီ ကုံးမနေချင်တော့ဘူး။ သမီးလို အညတရမျိုးက သိပ်ပြီး ဂန္ထ၀င်ဆန်ချင်နေတော့ရော လောက ကြီးက တယ်ပြီး ခမ်းနားသွားမှာတဲ့လား။ အဖြစ် မရှိတဲ့ စကားလုံးတွေ အယ်ဒီတာ စားပွဲကျော်ရင် ကျေနပ်ပါပြီ။ ခုတော့ ဘယ်သူမှ အယ်ဒီတာ လုပ်မပေးချင်ကြတော့တဲ့ ကိုယ့်စာမူကိုယ်ပဲ ပြဋ္ဌာန်းလိုက်တော့ ဌာန်ကရိုဏ်းမကျတဲ့ ဆဲရေး နည်းပေါင်းစုံပဲ ထွက်အန်လာတယ် မေမေရေ။  မရှိမဖြစ် အဖော်ညတွေရဲ့ ပိုင်ရှင်အဖြူရောင် ဆေးလုံးလေးတွေက သမီး အိပ်စက်ခြင်းကို ခပ် တည်တည် အာဏာသိမ်းပစ်လိုက်ကြပြီ။ ဟုတ် တယ်။ ဒိုင်ယာဇီပင်ဆိုတဲ့ ဆေးလုံးလေးတွေကို သမီးကောင်းကောင်း သုံးစွဲပစ်လိုက်ပြီ မေမေ။

စာမျက်နှာ (၉)
သမီးက မိုင်းနင်းမိတဲ့စစ်သားတစ်ဦးပါ။ ဒါပေမဲ့လည်း မိုင်းဗုံးများကို ကျေးဇူးတင်ပါ တယ်။ သူတို့ ကူညီလိုက်လို့ သမီးအရင်လောက် အလုပ်ရှုပ်စရာမလိုတော့ဘူး။ ဘ၀ဟာ ရိုးရှင်း တာပဲ ကောင်းပါတယ်။ ဘာအတွက် တိုက်ခိုက် နေမိတာလဲ။ အားမလို အားမရ ကိုယ့်ကိုယ်ကို တီးတိုးမေးမိဖူးတယ်။ အလကားပဲ။ ရှစ်ပဲ။ မိုင်းထိတာပဲ အဖတ်တင်တယ်။ မိုင်းဗုံးထောင်တဲ့ သူတွေကိုလည်း ကျေးဇူးတင်ပါတယ်။ အင်း သွားမှာပါ။ သွားရမှာပေါ့။ လူတိုင်းတစ်နေ့တော့ ထွက်သွားရမှာပေါ့။ သမီးလည်း တစ်နေ့တော့ ထွက်သွားရမှာပါ။ ဘယ်တုန်းကမှ ရောင်နီမလာ ခဲ့ဖူးတဲ့ ခပ်အိုအိုပြတင်းပေါက်ကနေပဲ သမီးသွားဖို့ အသင့်ပါ။ ဒါပေမဲ့အားလုံးကို ကျောခိုင်းတော့ မယ့်အခါ ဘယ်သူ့ကိုမှ နှုတ်ဆက်မသွားသင့်ဘူး လို့ထင်တယ်။အသည်းခွဲတဲ့ယောက်ျားများကို လည်း ကျေးဇူးတင်ပါတယ်။ အသည်းခွဲတတ် တဲ့ မိန်းမများကိုလည်းကျေးဇူးတင်ပါတယ်။
“ဒုတိယလူအဖြစ်နဲ့ ပြီးဆုံးသွား မင်းပေးခဲ့ တဲ့ ဆုလာဘ်များရယ် အချိန်တန်ပြီဆိုရင် ကိုယ် ပြန်သွားရတော့မယ်”
အို တော်ပါ။ ကိုစည်သူလွင်ကိုလည်း ကျေးဇူးပါ။ နောက်တစ်ခါ တည့်တည့်ကြီး စောင်းမဆိုလိုက်ပါနဲ့နော်။

စာမျက်နှာ (၁၀)
သမီးက ကိုယ့်စိတ်နဲ့ကိုယ် ကွာရှင်းပြတ်စဲထားတဲ့ ဂျစ်ပစီပါ။ ကိုယ့်နိုင်ငံ ရဲ့ လမ်းတွေပေါ် အမှိုက်ဖွတဲ့ အလကားလူတစ်ဦးချင်းစီကို မုန်းတတ်ပြီး ကိုယ့်ခန္ဓာကိုယ်မှာပဲ အမှိုက်ဖွတဲ့ ဘယ်နေရာမှာမှ အမှိုက်မဖွသူတွေကိုတော့ Pass ပေးထားပါတယ်။ တက်တူးက အနုပညာတစ်မျိုးပါပဲ။ နာကျင်မှုနဲ့ ရင်းရတဲ့ အနုပညာလို့ ကဗျာဆန်ဆန် ရှင်းပြရင် မေမေ နှာခေါင်းရှုံ့ဖူးတာ မြင်ယောင်မိပြန်တယ်။ စတစ်ကာတက်တူးတွေ၊ တက်တူး အစစ်တွေ၊ အပိုးမကျိုးတဲ့ အပြာရောင်ဂျင်းတွေ၊ စပိန်ဂစ်တာတွေကို ကြိုက်နှစ်သက် တတ်တာ အပြစ်မဟုတ်ပါဘူး မေမေ။ လွတ်လပ်စွာ သဘောကွဲလွဲခွင့်ရှိပါ တယ်။ ဝေဖန်နှိမ်ချိုးစရာ မလိုပါဘူး။ သည်နေ့ သြစတြေးလျ အိုပင်း တင်းနစ်ပွဲမှာ ကမ္ဘာအဆင့် ၂၆ က ကမ္ဘာအဆင့် ၅ လီနာ့ကို ရှုံးတယ် မေမေ။ ပွဲမပြီးလိုက်ဘဲ ရှုံးသွားတာ။ သူ့ဘာသာသူ ပြေးလွှားရင်း ခြေခေါက် လဲသွားတာ။ ဒါပေမဲ့ အံ့သြစရာပဲ။ ထုံဆေးတွေဖျန်း၊ နာကျင်မှုတွေကြားက သူ ယှဉ်ပြိုင်ဖို့ ကြိုးစားခဲ့သေးတယ်။ ဇွဲလုံးဝမလျှော့ဘူး။ နောက်မှ သူ ဆက်မရိုက်နိုင်တော့ဘဲ ထွက်ပစ်လိုက်တယ်။ သူ့ မျက်ရည်တွေဟာ သူ ရှုံးတာကို ပြောပြနေတာ မဟုတ်ဘဲ သူ့ဇွဲကို ဖော်ပြနေတယ်လို့ သမီး မြင်တယ်။ ဒီလိုပါပဲ။ လူတွေဟာ တင်းနစ်ပွဲလိုပါပဲ။ တစ်ခါတစ်ရံ ခြေခေါက် လဲမယ်။ တစ်ခါတလေ ချန်ပီယံဖြစ်ကောင်းဖြစ်မယ်။ တစ်ခါတလေ ရှုံးလို့ ထွက်ရမယ်။ သမီးကတော့ ဆာဗင်ထိုးတိုင်း Double Fault  ဖြစ်ရတဲ့ ခပ်ညံ့ ညံ့ ကစားသူပါ မေမေ။ သမီး ရွှေ့လိုက်တဲ့ နယ်ရုပ်လေးတွေဟာ Out  သွားတတ်တယ်။

စာမျက်နှာ (၁၁)
မေမေရေ။ ဆောင်းက အလုအယက် ရုန်းကန်အေးစိမ့်နေတယ်။ သမီးက တော့ ကိုယ့်စိတ်ဓာတ်ကိုယ် ပြန်ဝါးမျိုနေတဲ့ ကြွက်စုတ်တစ်ကောင်ပါပဲ။ ခုတော့ ကြေးနန်းကြိုးတွေ ရှော့ခ်ရသွားလို့ ဘယ်အိပ်မက်ကမှ မီးထမလင်း တော့ဘူး။ ကောင်းတယ်။ သိပ်ကြိုက်တယ်။ အမှောင်က အားလုံးကို ဖုံးကွယ် ပေးထားတယ်။ အမှောင်ကို ချစ်တယ် မေမေ။ ပိတ်သွားတဲ့ တံခါးချပ်တွေ နောက် သမီးကို လိုက်ရှာမနေပါနဲ့တော့။ သမီးက ထာဝရ ချိတ်ပိတ်ထားတဲ့ ခပ်ကြောင်ကြောင် စာအိတ်တစ်အိတ်ပါ။ မေမေ့အတွက် ဂုဏ်သိက္ခာတွေကို ဆောင်ကြဉ်းမပေးနိုင်ပါဘူး။ သမီးကို ဖွင့်မဖတ်မိပါစေနဲ့။ သမီးက ဘယ်သူ့ ကိုမှ အမိန့်မပေးချင်၊ ဦးမဆောင်ချင်သလို ဘယ်သူ့အမိန့်ကိုမှ နာခံချင်မယ့် နောက်လိုက်တစ်ယောက်လည်း ဘယ်တော့မှ မဖြစ်ချင်ပါဘူး။ စံနမူနာထား စရာ ဖြစ်ရမှာထက် မျှဝေခံစားပေးချင်သူပါ။ ကိုလေးဖြူက စာမျက်နှာ ၁၅ ဆို သမီးကတော့ စာမျက်နှာ ၁၁ နဲ့ပဲ ဘ၀ကို လုံးခြေပစ်လိုက်ပြီ။ ဘယ်တုန်းကမှ အမှားပြင်ဆင်ချက်မရှိတဲ့ သမီးရဲ့ စာမျက်နှာတွေ အမှားတစ်ခု တလေ ပါခဲ့ရင် ဆွဲဆုတ်ပစ်တတ်တာ မေမေ အသိပါ။ အင်း ဆွဲဆုတ်ရာတွေ များတဲ့ သမီးရဲ့ ခေါင်းမာမာ ရာဇ၀င်ကို မေမေ့ နှလုံးသားထဲ ထာဝရ သိမ်းထားလိုက်ပါ။

နိဂုံး
ပေတေလေလွင့် သမီး အကျင့်ဆိုးတွေကို အမွေဖြတ်စွန့်လွှတ်ပစ်လိုက် ပါ မေမေ။ သမီးဆိုတဲ့ ခမ်းနားတဲ့ ဖြစ်တည်မှု တစ်ခုက လွဲရင်ပေါ့နော်။

လင်းစက်နွယ်