ကျီးအပုံပြင်

ပိုမို တိုးတက် ခံ့ညားလာတဲ့ သာယာဝတီ ဆေးရုံကြီးကို ငေးကြည့် နေရင်းကပဲ မျက်ရည်တစ်ပွင့် တလိမ့်ခေါက်ကွေး ကျသွားလေတယ်။ ကျွန်မ မျက်ရည်တွေ လျှံအားကောင်း လာဖို့ အချွန်နဲ့ မပေးမယ့် လေပြည်လည်း ဆိတ်ငြိမ်နေတယ်။ ကောင်းကင်မှာ တိမ်တိုက်တွေ မည်းညစ် နေပြီး သိပ်မခမ်းနားတဲ့ ရာသီဥတုဟာ ကျွန်မ နှလုံးသားနဲ့ အပြိုင် အုံ့ဆိုင်း နေခဲ့တယ်လေ။ သာယာဝတီကို လမ်းကြုံလို့ ၀င်မိတာလား၊ ၀င်မိတော့မှပဲ လမ်းကြုံချင်ယောင် ဆောင်လိုက် ရတာလား သိပ်မမှတ်မိတော့ ပေမယ့် ကျွန်မနဲ့ အတူ ပါလာတဲ့ သူငယ်ချင်းက အနည်းငယ် ယိုင်နဲ့တဲ့ အပြုံးနဲ့ နှစ်သိမ့်ခဲ့ ပါရဲ့။ သာယာဝတီဟာ အခုဆို လှပသေသပ် ခမ်းနားတဲ့ မြို့တစ်မြို့ ဖြစ်နေခဲ့ပြီလေ။ လူသွား လူလာလည်းများ၊ စီးပွားရေး အရ တိုးချဲ့ဆောက်လုပ်ထားတဲ့ အဆောက်အအုံကြီးတွေလည်း များလာကြပြီလေ။ ဘာရယ် မဟုတ်ပေမယ့်လည်း ကျွန်မနဲ့ရွှေစင် ဆလွန်းကားလေးကို အသာရပ်ပြီး အနည်းငယ် သက်သောင့်သက်သာ ရှိမယ့် အနေအထားမျိုးနဲ့ ဆေးရုံကြီးကို တွေဝေစွာငေးစိုက်လို့ နေလေရဲ့။

“လွန်ခဲ့တဲ့ ဆယ့်လေးနှစ် တုန်းက အလွန် ချစ်စရာ ကောင်းတဲ့ Team လေး တစ်ခုဟာ လူ့အသက်ကို ကယ်တင်ဖို့ အတွက် အင်တိုက် အားတိုက် ရုန်းကန်ခဲ့ကြဖူး တယ်နော် နွယ်”

ရွှေစင် ခပ်ဟဟလေးပြောလို့ ကျွန်မ သူမကို လှမ်းကြည့်လိုက်တော့ ရွှေစင့်မျက်လုံးတွေဟာ ဆေးရုံဆီမှာပဲ ဝေ့နေခဲ့တယ်။ ဆေးရုံမှာ လတ်တလော တာဝန်ကျနေတဲ့ ဆရာဝန်လေးတွေ မြင်များသွားရင် ကျွန်မတို့ နှစ်ယောက်ကို အသည်းအသန် စပ်စုဦးမှာ အသေအချာပါပဲ။
ဆေးရုံကို ပြန်လည် လွမ်းဆွတ် နေခဲ့ချိန်မှာ လက်ရှိပိုင်ဆိုင်ထားတဲ့ ကျွန်မတို့ရဲ့ ရာထူးတွေ၊ သြဇာတိက္ကမတွေကို မသိသားဆိုးရွား စွာ မေ့ဖျောက်ထားခဲ့ရပါတယ်။

တွဲဖက်ပါမောက္ခ မေ့ဆေး ဆရာဝန်ကြီး ဒေါက်တာရွှေစင်နဲ့ ခွဲစိတ်အထူးကုပါမောက္ခ ဒေါက်တာနွယ်လင်းတို့ဟာ ဘွဲ့လွန် ဘာသာရပ်တွေ အောင်မြင်ပြီးနောက် သည်ဆေးရုံလေးမှာ အတူတူတာဝန်ကျရင်း လက်တွဲဖြစ်ခဲ့ကြတယ် ဆိုတာ ခုချိန်မှာ သိပ်နားထောင်လို့ မကောင်းတဲ့ ပုံပြင် တစ်ပုဒ်ရယ်ပါ။
“အင်းနော်၊ လွန်ခဲ့တဲ့ ဆယ့်လေးနှစ်က ငါခွဲစိတ်ခန်း ၀င်နေရင်း ခွဲစင်ပေါ်မှာ ဆုံးသွားတဲ့ ကေ့စ်ကို ငါအမှတ်ရသွားတယ် ရွှေစင်ရယ်”

ပြောပြီးမှ ပစ္စုပ္ပန်ကို ပဉ္စလက်ဆန်ဆန် ချေဖျက်ကြည့်ဖို့ကြိုးစားကြည့်တယ်။ ရန်ကုန်ကို မေ့ဖျောက်ဖို့ အနည်းငယ် ရယ်မောကြည့်ရတယ်။ အဲဒီနောက်မှာတော့ ကျွန်မ ဦးနှောက်တွေ အတိတ် ဆီ သယ်ဆောင်သွားလေသမျှ မရုန်းဆန်ဘဲ လိုက် သွားလိုက်ရတယ်လေ။ ပစ္စုပ္ပန်ရဲ့ အနာတရကို ကုစားဖို့ အတိတ်ဆိုတဲ့ သမားတော်ကသာ စွမ်း နိုင်မှာပေါ့လေ။
သည်လိုနဲ့ပဲ လွန်ခဲ့တဲ့ ဆယ့်လေးနှစ်ဆီက။

၂။
“မမနွယ်က သာယာဝတီ ရောက်ခါစမို့ ညည်းတာပါ၊ နောက်တော့လည်း ကျွန်မတို့ဆီက မြွေတွေ၊ ပင့်ကူတွေနဲ့ နေသားကျသွားမှာပါ”

ထဘီအပြာဝတ် ဘလူးစတက်ဖ် ဒေါ်ရည်မြဟာ ကျွန်မရောက်ရှိလာတဲ့ ပုံစံကိုကြည့်ရင်း အူလှိုက်သည်းလှိုက် ဟားခဲ့ပါသေးတယ်။ အဲဒီ တုန်းက သာယာဝတီဆေးရုံဝင်း အကျယ်ကြီး ထဲမှာ သွပ်မိုးထရံကာ တစ်ထပ်အိမ်လေးတွေ တစ်လုံးချင်းစီ နေရာခြားလျက် ဆောက်လုပ်ထား ခဲ့တယ်။
ကျန်းမာရေးလုပ်သားအားလုံး တစ်ဝင်းထဲမှာ တစည်းတလုံးတည်း နေခဲ့ကြရတဲ့အဖြစ်ပါ။ ကျွန်မတာဝန်ကျတဲ့ ပထမလမှာတင်ပဲ ရန်ကုန် ကို ပြန်ပြေးချင်လောက်အောင် စိတ်ညစ်ညူးခဲ့ရ ပါတယ်။

“ကိုမိုးကြီးရေ၊ ကျွန်မ ခြံဘေးပတ်လည်က တောပင့်ကူကြီးတွေ ရှင်းပေးပါဦး”

“ရှင်းတာပဲ ဆရာမရေ၊ သည်ကောင်ကြီးတွေက ဘယ်ကဘယ်လို ပြန်ရောက်လာလဲ မသိဘူးဗျ”

ကျွန်မ မျက်မှောင်ကြုတ်သွားတာကို ဆေးရုံ အလုပ်သမားကိုမိုးကြီးက အနည်းငယ် စပ်ဖြဲဖြဲ နိုင်စွာ ကြည့်နေခဲ့ပါတယ်။ ကျွန်မက ပင့်ကူတွေကိုမှ မသတ်ချင်ဘဲ။ အဲဒီတော့ ပင့်ကူကို အရှင် လတ်လတ် ကြွပ်ကြွပ်အိတ် တစ်လုံးနဲ့ဖမ်းပြီး ခပ်ဝေးဝေးကို လွှင့်ပစ်ပေးရမြဲဖြစ်တဲ့ ကိုမိုးကြီး အတွက် အလုပ်ပိုစေပါရဲ့။

ကြာတော့လည်း တောပင့်ကူတွေနဲ့ ကျွန်မ ထူးဆန်းစွာ နေသားကျသွားခဲ့တယ်။ ပင့်ကူရန် ကို သိပ်မကြောက်မိပေမယ့် အမျိုးသမီးတစ်ဦး တည်းနေတဲ့ တစ်ထပ်ပျဉ်ထောင် အိမ်လေးထဲမှာ အလွန်ကြီးတဲ့ မြွေအရေခွံနှစ်ခု တွေ့လိုက်ရတဲ့ တစ်ခဏ ကြောက်ဖျားဖျားခဲ့လေတယ်။
များမကြာမီမှာပဲ အင်းဆက်ပိုးမွှားတွေ၊ တွားသွားသတ္တ၀ါတွေဟာ ခွဲစိတ်ခန်းမှာသာ ရင်ခုန်ရတဲ့ ကျွန်မနှလုံးအိမ်ကို ခပ်ပြင်းပြင်းလေး တုန်ခါစေသူတွေ ဖြစ်ခဲ့တယ်လေ။ သာယာဝတီ ဆေးရုံဟာ အဲသလို တုန်လှုပ် ချောက်ချားမှုတွေကို ရသ တစ်မျိုးအဖြစ် ပေးစွမ်းနိုင်ခဲ့ပါရဲ့။

၃။
ရန်ကုန်မြို့ကြီးကို စနေ၊ တနင်္ဂနွေမှာ ပြန် လာဖို့ စိတ်ကူးမိခဲ့ပေမယ့် သာယာဝတီဟာ ဖြည်း ဖြည်းချင်းပဲ ကျွန်မအသည်းကို နုတ်ယူသွားနိုင် ပါတယ်။ ဆရာဝန်ဆိုတာ အားလပ်ရက်မှ မရှိဘဲနော်။ ဒါပေမယ့် မိုးတွေထစ်ချုန်းနေတဲ့ ညတစ် ညမှာ ဆေးရုံဝင်းထဲ ဒယီးဒယိုင် လျှောက်လှမ်း ရင်း ကျွန်မရဲ့ဘယ်ဘက်လက်က သုံးတောင့်ထိုး လက်နှိပ်ဓာတ်မီးကို ကိုင်၊ ညာဘက်လက်မှာ တော့ ၀ါးရင်းတုတ် တစ်ချောင်းဆောင်ရင်း ရန်ကုန်ကို ဖုန်းလှမ်းဆက်ဖို့ ဖုန်းခွက်ရှိရာသို့ အားတင်းပြီး လျှောက်လှမ်းခဲ့ရတယ်လေ။ မိုးကာ အင်္ကျီကို ဖြန်းခနဲပက်လိုက်တဲ့ မိုးစက်တွေရဲ့ အသံ ဟာ ကျွန်မနှလုံးသား ဒုန်းစိုင်းခုန်ပေါက်သံ လောက် မကျယ်လောင်ခဲ့ဘူး။

ဖုန်းခွက်နားရောက်တော့ ကျွန်မထက်အရင် ဦးအောင်ရောက်နှင့်တဲ့ ရွှေစင်က သူမ မျက်ရည် တွေကို လက်ဖမိုးနဲ့အသာဖိသုတ်ရင်း ဖုန်းချဖို့ ပြင်နေပြီ။
“နွယ်၊ ကိုယ်ဖုန်းခေါ်ပေးရမလား”

အနည်းငယ် ဆို့နင့်တဲ့အသံဟာ မိုးစက်တွေ ရိုက်ခတ်နေတဲ့ ညမျိုးမှာ ဌာန်၊ ကရိုဏ်းမကျဘဲ ထွက်ပေါ်လာခဲ့တယ်။ ကျွန်မရဲ့ ရန်ကုန်အိမ်ဖုန်း ကို အလွတ်ရနေပြီဖြစ်တဲ့ ရွှေစင်က ဂဏန်းလေး တွေကို တစ်ခုချင်းစီ တုန်တုန်ရင်ရင် နှိပ်ပြနေခဲ့ တယ်။
“ဟယ်လို၊ မေမေလား”

တစ်ဖက်ကအသံဟာ ကျွန်မမှန်းသိတော့ ရုတ်တရက် တိမ်ဝင်သွားပါတယ်။
“အေးအေး သမီး၊ မေမေကတော့ အဆင် ပြေပါတယ်ကွယ်၊ မြေးမကြီးက တစ်ချိန်လုံး ငိုနေတယ်၊ မေမေခေါ်ပေးမယ်၊ ပြောလိုက် သမီး”

ကျွန်မ သမီးကြီးရဲ့ဖူးနုနေတဲ့ မျက်နှာလေးကို ပြန်မြင်ယောင်ရင်း မျက်ရည်ကျလုဆဲဆဲ သမီးကြီးက
“မေမေ မကောင်းဘူး၊ သမီးတို့ကို နေ့တိုင်း ဖုန်းဆက်မယ် ပြောပြီး မေမေညာတယ်”

သမီးနှစ်ယောက်ကို ငါးပါးသီလလုံဖို့ အထပ်ထပ်အခါခါ သတိပေးမြဲဖြစ်တဲ့ ကျွန်မ တစ်ယောက် မနေ့ညက သမီးဆီ ဖုန်းဆက်ဖို့ လစ် ဟင်းသွားခဲ့တယ်။ စတုတ္ထတန်း ကျောင်းသူဖြစ်တဲ့ သမီးကြီးက ဒေါသကိုလည်း အတောင့်လိုက် ထွက်ပြလာတတ်ပါတယ်။
“သမီးကို မေမေ မညာပါဘူးကွယ်၊ မနေ့ညက Urgent တစ်ယောက်ရှိလို့ သမီးရဲ့”

အဖေရော၊ အမေပါ ဆရာဝန်မို့ ကျွန်မသမီး တွေဟာ ဆေးပညာ စကားလုံးတွေ၊ ဝေါဟာရတွေနဲ့ အကျွမ်းတ၀င်ရှိပြီး နားရည်ဝနေကြ ပါတယ်။
“ဘာကေ့စ်လဲ မေမေ”တဲ့လေ။ သမီးကြီး က လူကြီးဆန်စွာ တွေးခေါ်နေရင်း မေးလိုက် တာပါ။
“ဘေလုံးကွဲသွားတာ သမီးရဲ့၊ ကလေးလေး တစ်ယောက်လေ၊ သစ်ပင်ပေါ် တက်ဆော့ရင်း ပြုတ်ကျသွားတာ” သမီးကြီးက စုတ်တသပ်သပ် နဲ့ယူကျုံးမရဖြစ်နေတုန်း သမီးငယ်နဲ့ သမီးကြီးရဲ့ ရန်ဖြစ်သံကို ခဏနေတော့ကြား လိုက်ရတယ် လေ။

“နင်ချည်းပဲ ပြောမနေနဲ့ အကြီးမ၊ ငါလည်း မေမေနဲ့ ပြောမယ်”

သူတို့နှစ်ယောက် ရန်ဖြစ်တာ ၀ပြီးတော့မှ အငယ်လေးက ဖုန်းခွက်ကို အမောတကော လာကိုင်လေတယ်။
“မေမေ၊ မေမေနမ်းသွားတဲ့ ခေါင်းအုံးပေါ်က နှုတ်ခမ်းနီရာတွေ ပျောက်သွားပြီ”ပြောရင်း ဆိုရင်း သမီးငယ်က ငိုပါတော့တယ်။ အမေကို အရမ်း တွယ်တာတဲ့ သမီးတွေဟာ ကျွန်မ ရန်ကုန်ကနေ သာယာဝတီမြေပေါ် ပြန်နင်း ရတော့မယ့်အခါ ကျွန်မနှုတ်ခမ်းနီရာလေးကို သူတို့တွေရဲ့ ခေါင်းအုံးစွပ်တွေ ပေါ် နမ်းရှိုက် အရာ ထင်စေခဲ့ပါတယ်။ ကျွန်မ အလွမ်းပြေတဲ့လေ။

ှSUNMOON ဆိုတဲ့Express ကားကြီးပေါ် ကျွန်မ နေရာယူပြီးတာနဲ့ ကလေးတွေရဲ့အဖေရော၊ သမီးနှစ်ယောက်ပါ ကားလေးပေါ်က လက်ပြ နှုတ်ဆက်ကြမြဲ။ ကျွန်မကတော့ Expressျ ကားကြီးပေါ်မှာ ငြိမ်သက်စွာ ထိုင်ရင်း စော်ဘွားကြီးကုန်းကားဂိတ်ဝင်းကနေ တစ်စစပျောက်ကွယ်သွား တဲ့ ကားလေးဆီ မျက်စိတစ်ဆုံး ငေးစိုက်ကြည့်ဖူးတယ်လေ။ SUNMOONက ဒရိုင်ဘာရော၊ စပယ်ယာတွေပါ ကျွန်မကို မှတ်မိနေကြပြီ။ ရုတ်တရက် သမီးငယ်ရဲ့ ရှိုက်သံကြားမှ ကျွန်မ လန့်ဖျပ်သွားရပါရဲ့။

“အဘွားပေါ့၊ ခေါင်းအုံးစွပ်ကို မနက်က ဖြုတ်လျှော်ပစ်လိုက်တာ”

သမီးတွေကို အသာချော့ရင်း ဖုန်းချပြီးချိန်မှာတော့ ကျွန်မရဲ့ ကျလို့ ကျမှန်း မသိတဲ့ မျက်ရည်တွေကို ရွှေစင်က လက်ကိုင်ပ၀ါနဲ့ အသာသုတ်ပေး နေခဲ့ပြီ။ ရွှေစင်က အပျိုကြီးဆိုပေမယ့် သူမရဲ့ မိခင်အို မုဆိုးမကြီးကို ညီမတွေနဲ့ ထားခဲ့ရတာဖြစ်လို့ စိတ်မချနိုင်ဖြစ်နေပါတယ်။
သာယာဝတီနဲ့ ရန်ကုန်ဟာ နီးနီးလေးပါလေ။ ဒါပေမယ့် မျှော်လင့် ထားသလို အပတ်စဉ် ပြန်ခွင့်မရတဲ့ အခါ လစဉ်ပြန်ဖြစ်ဖို့ ကြိုးစားကြရင်းနဲ့ ပဲ ကျွန်မရဲ့လူနာတွေကို တရစပ်ခွဲ၊ ရွှေစင်ကလည်း အပတ်တကုတ် မေ့ဆေးတွေ ပေးရင်းနဲ့က သာယာဝတီဆေးရုံကြီးကို ဒုတိယအိမ် အဖြစ် နွေးထွေးစွာ အသိအမှတ်ပြုလိုက်ကြရပါတယ်။

၎။
“ဟဲ့ နွယ်၊ ငါပြောတာ မကြားဘူးလား”

ကျွန်မရဲ့ လည်နေတဲ့ စိတ်ကို ရွှေစင်က လှုပ်နှိုးပေးလိုက်ပါတယ်။ မိုးက ပိုအုံ့လာပြီး လေကတော့ ငြိမ်သက်မြဲဖြစ်နေတယ်။ ကျွန်မကို သတိပေး လိုက်တဲ့ ရွှေစင်ကတော့ ဆေးရုံကြီးဆီကို ဖြန့်ကြက်ထားတဲ့ သူမမျက်လုံး တွေအတွက် ရုပ်သိမ်းနိုင်စွမ်း မရှိသေးဘူးလေ။
“မှတ်မိလားနွယ်၊ အဲဒီတုန်းလေ ငါတို့ကို ငြင်းဆန်နေတဲ့ကြားက ငွေနှစ်ရာ အတင်းလက်အုပ်ချီ ကန်တော့သွားတဲ့ လူနာကိုလေ”
ကျွန်မ ရယ်လိုက်တော့ ရွှေစင်ကပါ ခပ်ဟဟလေးရယ်မောခဲ့လေတယ်။ ငွေနှစ်ရာဆိုတာ သည်ဘက်ခေတ်မှာ သိပ်အရေးမပါတဲ့ အေ<ကစက္ကူ တစ်ရွက်ဆိုပေမယ့် လွန်ခဲ့တဲ့ ဆယ်နှစ်ကျော်ကတော့ တန်ဖိုးရှိတဲ့ ငွေပါလေ။
အဲဒီတုန်းက။

၅။
သာယာဝတီဆေးရုံဟာ ကျွန်မကို ထိတ်လန့်မှုတွေနဲ့ ပျော်ဝင်အသား ကျစေခဲ့တယ်။ ခွဲစိတ်ဆရာဝန်တစ်ယောက်ရဲ့ ရင်ခုန်မှု၊ စိုးထိတ်မှုနဲ့ မျက်ကလဲ ဆန်ပျာဖြစ်မှုတွေကို တစ်သားတည်း စီးမျောစေခဲ့တယ်။ ကျွန်မအတွက် Plan ချပြီး နေ့ရက်သတ်မှတ် ခွဲစိတ်ရတဲ့ ကေ့စ်တွေထက် Urgent လို့ခေါ် တဲ့ အရေးပေါ်လူနာတွေက ပိုများနေခဲ့တယ်လေ။

အဲဒီညဟာလည်း အရင့်အရင်ညများစွာလို ပိန်းပိတ်အောင် မှောင်နေခဲ့ တယ်။ ကိုမိုးကြီးရဲ့ အသံကြောင့် တစ်ပိုင်းတစ်စ ထွက်အံနေတဲ့ ထွန်းအိန္ဒြာဗိုရဲ့ သီချင်းလေးကို အသာတိုးလိုက်ရတယ်။ ဓာတ်ခဲနဲ့ဖွင့်ရတဲ့ ကက်ဆက်လေးဟာ မီးမလာတဲ့ ညများစွာရဲ့ အရှင်သခင်ဖြစ်မှန်း မသိ ဖြစ်လို့နေခဲ့ပါရဲ့။
မီးပျက်နေတဲ့ ကာလဟာ အဆန်းတကြယ် မဖြစ်တော့ဘူးလေ။ မခွဲခင် စမ်းသပ် စစ်ဆေးမှု တွေလုပ်တော့ လူနာဟာ အသက်ရှူ မြန်နေခဲ့ပြီး အူအတက် ရောင်တဲ့ လက္ခဏာတွေ တွေ့လိုက်ရတယ်။ ဆေးရုံအုပ်ကြီးဆီ သတင်းပို့ပြီး သေချာ အောင် အထပ်ထပ် Confirm ပြန်လုပ်ရင်း ကေ့စ်ကို ခွဲစိတ်ဖို့ပြင်ဆင်ခဲ့တယ်။ မီးလာတဲ့ အချိန်တွေမှာ စနစ်ကျစွာပေါင်း ထားတဲ့ ခွဲခန်းအင်္ကျီရဲ့ ရနံ့ဟာ ကျွန်မရဲ့စိတ်ညစ်ညူးမှုကို သက်သာပြေလျော့စေပါရဲ့။ ရွှေစင်က လူနာကို ပုစွန်တုပ်လို ကွေးခိုင်းပြီး ကျောရိုးမကနေ တစ်ဆင့်Spinal (ထုံဆေး) ပေးလိုက်တော့မှ ကျွန်မ ရင်ခုန်သံတွေမြန်နေခဲ့တယ်။

ဒါတွေဟာ ပုံပြင်တစ်ပုဒ်လားလို့ အမေးခံရ ဖို့ထိ နီးစပ်မလား ကျွန်မ မသိခဲ့။ ခွဲစိတ်ခြင်းကို လေးဖက်လေးတန်က သုံးတောင့်ထိုးဓာတ်မီးကြီး တွေနဲ့စခဲ့ကြတယ်။ ကျွန်မရယ်၊ မေ့ဆေးရယ်၊ ဘလူးစတက်ဖ် ဒေါ်ရည်မြရယ်၊ ထဘီအနီဝတ် နှစ်ယောက်ရယ်၊ အလုပ်သမား နှစ်ဦးရယ်။ ၀င်းဝင်းလတ်ရဲ့ ၀တ္ထုထဲကလို ကျွန်မတို့ရဲ့ ခွဲစိတ် ခြင်းအပြီးမှာ ကိရိယာသံတွေ ဆူညံနေခဲ့တဲ့ နိမိတ်ကောင်းလေး ပုံဖော်နိုင်ခဲ့ပါတယ်။

မီးမလာတဲ့ ညပေါင်းများစွာရဲ့ ခွဲစိတ်မှုတွေ ထဲက အမှတ်ထင်ထင်ခွဲ စိတ်ခြင်း တစ်ခုရှိခဲ့ဖူး သေးတယ်လေ။ ကျွန်မအတွက် လူနာသေဆုံးခြင်းကို ဆို့နင့်စွာ လက်ခံလိုက်ရဖူးတဲ့ တစ်ညပေါ့။ ခွဲနေရင်းက ခွဲစင်ပေါ်မှာ အသက်ရှူသံတွေ နာရီတစ်လုံးလို ရပ်ဆိုင်းသွားတဲ့အဖြစ်ကို ဘယ်ခွဲ စိတ်ဆရာဝန်မှ ပျော်ရွှင်စွာ ကြည့်မနေနိုင်ကြပါဘူး။

Do (Or) Die ဆိုတဲ့ အခြေအနေ တစ်ခုမှာ Do ကိုရွေးမိတိုင်း နောင်တတစ်သီကြီး ရနေမိတဲ့ ကျွန်မ အတွက် ရွှေစင်က ပြန်လည်နှစ်သိမ့်ခဲ့တယ်။
“နွယ်ရယ်၊ ဆာဂျင်တွေရဲ့ဘ၀မှာ Operation is Successful, But the Patient is Dead ဆိုတဲ့ စကားလည်း ရှိနေတာပဲလေ၊ လူနာရှင်တွေက လည်း ငါတို့ စေတနာကို နားလည်နေကြပါတယ်။ ကွန်ဒစ်ရှင်က မခွဲရင်ကျိန်းသေ သေနိုင်မယ်၊ ခွဲရင်တော့ သေကောင်းသေနိုင်သလို ကံကောင်း ရင်တော့ ရှင်သွားနိုင်တယ် မဟုတ်လား”

အဲဒီအချိန် ကျွန်မဘ၀နဲ့ရင်းပြီး ရိုက်နှိပ် လိုက်ရတဲ့ တံဆိပ်ဟာ “ကံကြမ္မာ”တဲ့လေ။ မြန်မာ လူမျိုးတွေဟာ ကံကံ၏အကျိုးကိုလည်း ယုံကြည် သက်ဝင်ကြသလို လူနာသေဆုံးခြင်းအတွက် ကျွန်မတို့ရဲ့ အစွမ်းကုန်ကြိုးစားခြင်းကိုလည်း လှိုက်လှဲစွာ လက်ခံခဲ့တယ်။ ရယ်ရတာ တစ်ခုက တစ်ပတ်နီးပါး အခန်းအောင်း ကြေကွဲချင်ပေမယ့် ကျွန်မ ၀မ်းနည်းလှိုက်စားပြဖို့ တာဝန်က မျက်နှာ သာမပေးခဲ့ပြန်ဘူးလေ။

“Appendicectomy လုပ်ထားတဲ့ ကေ့စ်က ကန်တော့ချင်လို့တဲ့ နွယ်”

“မဟုတ်တာ ရွှေစင်ရယ်၊ ဆေးရုံFund ထဲထည့်ရင် တစ်မျိုးပေါ့”

အူအတက် ဖြတ်ထုတ်ထားတဲ့ လူနာရဲ့ ငွေနှစ်ရာဟာ ဆေးရုံရဲ့Fund ထဲဝင်သွားခဲ့တယ် လေ။ ဒါပေမယ့်Fund ထဲမှာ ငွေဆိုတာ မရှိ သလောက်ပါပဲ။ ကျွန်မရဲ့လူနာတွေဟာ အလွန် ရိုးသားပြီး ဆင်းရဲသားလက်လုပ်လက်စားတွေ များတယ်။ ရန်ကုန်ကို ပြန်လည် ထရန်စဖာကျဖို့တောင် ဆုမတောင်းနိုင်တော့ဘဲ ကျွန်မရဲ့ပိုက်ဆံအိတ်ထဲက တစ်ရွက်ချင်းစီ ပဲ့ပါသွားတဲ့ ငွေတွေအတွက် ပီတိဖြစ်ပြီး အားရ နေခဲ့ပြန်တယ်။ တစ်ခါတစ်ရံ လူနာတွေရဲ့ရိုးသားမှုဟာ အံ့မခန်း ကြည်နူးဖွယ်ပေါ့လေ။ ငါးခြောက်တွေကို အတွဲလိုက်၊ တစ်ခါတစ်ရံ ဆီပုံးတွေ၊ များသော အားဖြင့် အုန်းသီးတွေ အခိုင်လိုက်ယူလာရင်း ငြင်းဆန်တဲ့ကြားက ထိုင်ကန်တော့ကြတယ်။ ကန်တော့ ပစ္စည်းတွေကို ဟင်းအဖြစ် အသွင်ပြောင်းရင်း ၀ါ့ဒ်ထဲက လူနာတွေရော၊ ကျွန်မတို့Team ပါ တပျော်ကြီး စားသောက်ကြတယ်။ အဲသည် ပီတိတွေကို ရေမျောကမ်းတင် ဖြစ်ကုန်မယ်လို့ ဘယ်တုန်းကမှ မတွေးခဲ့ဖူးဘူး။

နောက် ဆယ့်လေးနှစ်အကြာမှာ ပုထုဇဉ် တစ်ယောက်ရဲ့ ခံနိုင်အားက အနုတ်ဒီဂရီဆီ ထိုး ဆိုက်သွားနိုင်မယ့် အကြောင်း တစ်စုံတစ်ယောက် က သတိပေးနိုင်ရင် သိပ်ကောင်းမှာ။ စော်ကားတယ်လို့ မခံယူမိစဉ် အထိပေါ့လေ။ ကျွန်မကိုယ် ကျွန်မ နှစ်သိမ့်နိုင်ခဲ့ပါရဲ့။

၆။
သာယာဝတီကနေ နောက်ထပ်မြို့ကြီး တစ်မြို့ဆီမှာ တတိယအိမ်အဖြစ် မှီတွယ်၊ အတန် ငယ် နေသားကျပြီးချိန်မှာတော့ ရန်ကုန်မြေကို ပြန်နင်းနိုင်ခဲ့တယ်လေ။ တကယ့်ကို နှစ်ပေါင်း များစွာကြာမှပါ။ ရန်ကုန်ဆေးရုံကြီးရဲ့ ခွဲစိတ်ဆောင်မှာ ပါမောက္ခဌာနမှူးဆိုတဲ့ ရာထူးနဲ့ ပြောင်းရွှေ့မိန့်ကျလာချိန်ဟာ ကံကောင်းခြင်း လား၊ ကံဆိုးမိုးမှောင်ကျခြင်းလား။ သေချာတာ ကတော့ အဲဒီနေ့က။
“ကျွန်တော် ခင်ဗျားကို ရအောင် တရား စွဲမယ်”

ပရော်ဖက်ဆာ ဒေါက်တာနွယ်လင်းဆိုတဲ့ ဆိုင်းဘုတ်ကို အသံမြည်အောင် ရိုက်နှက်ရင်း စူးရှ ခက်ထန်တဲ့ မျက်ဝန်းတစ်စုံနဲ့ ရင်ဆိုင်လိုက်ရချိန်မှာ ရင်တွင်းတစ်နေရာက အောင့်သက်မှုကို မသိကျိုး ကျွန်ပြုထားခဲ့ရတယ်။ တစ်ပြိုင်တည်းမှာပဲ အပြာ ရင့်ရောင် Arrow ရှပ်ကို သေသပ်စနစ်ကျစွာ ၀တ်ဆင်ထားတဲ့သူဟာ ကျွန်မမျက်လုံးတွေထဲ တရားခံစစ်သလို ရှာဖွေနေခဲ့တယ်။

“ကျွန်တော့် အဖေသေရတာ ခင်ဗျားကြောင့် ပဲ၊ ခင်ဗျားက ခွဲစိတ်ဆရာဝန် မဟုတ်ဘူး၊ လူသတ် ဆရာဝန်”

လက်ထောက်ဆရာဝန်လေးတွေရဲ့ ရှေ့ မှောက်မှာ ရင့်သီးစွာ အစွပ်စွဲ ခံလိုက်ရတဲ့ ကျွန်မရဲ့ မကျေနပ်မှုကို သူရှာဖွေနေပုံရပါတယ်။ ဒါပေမယ့် ကျွန်မရဲ့ဝမ်းနည်းမှုတွေသာ နေရာ ယူမိခဲ့လို့ ဘုရား သခင်ကိုပဲ အပြစ်တင်ရမလား။ ဒါမှမဟုတ်ဘုရား ရေလို့ အကျယ်ကြီး မတမိတဲ့ ကျွန်မ နှုတ်ခမ်း သားတွေကိုပဲ ကောင်းချီးပေးလိုက်ရမလား။

သေချာတာကတော့ ကျွန်မ သတိမထားမိ ခင်မှာဘဲ မျက်ရည်တစ်ပေါက် အလိုလိုကြွေဆင်း ပြီးသွားပြီ။
“ခင်ဗျား မျက်ရည်ခံထိုးလို့ ဘယ်နည်းနဲ့မှ မရနိုင်ဘူး၊ ခင်ဗျား”

“ရှင် ကျွန်မ မျက်ရည်ကို ဘယ်တော့မှ ခွဲခြမ်း စိတ်ဖြာကြည့်လို့ မရနိုင်ဘူး ဦးသက်နိုင်၊ မျက်ရည်ခံထိုးတယ်လို့ ရှင်သတ်မှတ်လို့ ရအောင် ကျွန်မ ငိုမိသွားတဲ့ အတွက် ကျွန်မ မျက်လုံးတွေကို ကျိန်ဆဲပစ်လိုက်မယ်”

လူနာကို ဆေးရုံခေါ်ခဲ့တုန်းက အလွန်နောက် ကျနေခဲ့ပြီး ကျွန်မဘ၀ရဲ့ ဒုတိယအကြိမ်မြောက် လူနာသေဆုံးခြင်းကို ဆို့နင့်စွာ လက်ခံလိုက်ရ တယ်။ အစာအိမ်ကင်ဆာရဲ့ ဆိုးရွားတဲ့အဆင့်ကို ရောက်ရှိနေခဲ့ပြီး လူနာကို ဗိုက်ဖွင့်လိုက်လို့တွေ့ လိုက်ရမယ့် အနေအထားဟာ ကျွန်မ ဘယ်ဘက်လက်မှာ ရှိနေတဲ့ သေမင်းကို ရုတ်တရက် သတိရသွားစေတယ်။ တစ်ပြိုင်နက်တည်းမှာပဲ သာယာဝတီ ဆေးရုံရဲ့ ကြေကွဲ ဆို့နင့်ဖွယ် ညကို ယောင်ယမ်း သတိရသွားတယ်။
Bleeding တွေ အရမ်းများတော့ ကျွန်မ လက်တွေတုန်ရင်သွားမှာစိုးလို့ ထိန်းချုပ်ထားရရင်း လန့်ဖျပ်နေတဲ့ အကူဆရာဝန်လေးတွေကို အားပေးရင်း ဟန်ဆောင် ခွဲစိတ်နေရတယ်။ ခွဲစိတ်ဆရာဝန်ရဲ့ပြိုင်ဘက်ဟာ သေမင်းဆိုတဲ့ ဖြစ်ရပ်ကို ကျွန်မ ဆို့နင့်စွာလက်ခံလိုက်ရတယ်။ “On the table”လို့ ဆာဂျင် တွေ သုံးနှုန်းတဲ့ စကားလေ။ ခွဲစင်ပေါ်က သေဆုံးခြင်း အတွက် ဖြေသိမ့်ဖို့ ကြိုးစားနေကြတဲ့ စကားတွေဟာ အဲဒီအချိန်မှာတော့ ဖွဲမီးလို တစ်စစငုံ့လောင် ကျွမ်းစေခဲ့တယ်။

ဒါပေမယ့်...
“ခင်ဗျားကြောင့် ကျုပ်အဖေသေတာ”တဲ့လေ။

ဦးစီးခွဲစိတ်သူ ဒေါက်တာနွယ်လင်း၊ မေ့ဆေးဒေါက်တာရွှေစင်နဲ့ စတက်ဖ် တွေအားလုံးကို တရားစွဲဆိုလိုက်တဲ့ အကြောင်းကြားရချင်းမှာ ရွှေစင် တစ်ယောက် ကျွန်မအိမ်ကို ဒေါသတကြီး ရောက်လာတယ်လေ။
“စေတနာက ဝေဒနာဖြစ်စေတယ်ဆိုတာ တယ်မှန်တာပဲ နွယ်၊ ဖြစ်နိုင် ဖွယ် အနေအထားတွေလည်း ရှင်းပြခဲ့တယ်၊ ဃသကညျနူငညါ လုပ်ပြီး ခွင့်ပြုချက် ရယူပြီးမှ ခွဲစိတ်ခဲ့တာလေ”

“ငါတို့ မမှားပါဘူး ရွှေစင်ရယ်”

ဒါဆို ဘယ်သူမှားလဲလို့ ရေရွတ်လိုက်တဲ့ ရွှေစင့်ကို ကျွန်မအနည်းငယ် သနားသွားတယ်။ လူနာရှင်တွေမှားတယ်လို့ သူမ မယိုးစွပ်ရက်ဘူး။ အဲဒီ သတင်းကို ရွှေစင် သယ်ဆောင်လာတဲ့ ညတစ်ညရဲ့ ကော်ဖီတွေဟာ နွေးထွေး မှုတွေ ဝေးလွင့်ကင်းမဲ့နေခဲ့တယ်။ ကျွန်မတို့ နှစ်ယောက် တစ်ယောက်ကို တစ်ယောက် အနည်းဆုံးတော့ ပြုံးပြဖို့ကြိုးစားရင်း နှစ်သိမ့်သင့်တာပဲ မဟုတ်လား။ မတိုင်ပင်ဘဲ ပြုံးပြမိ ချိန်မှာတော့ နှုတ်ခမ်းတွေ ကြေတွန့်သွားတာကို ကျွန်မတို့ နှစ်ယောက်လုံး နားလည်လိုက်တယ်။ ယိုင်နဲ့တဲ့အပြုံးဟာ ဘယ်လောက်ကြေကွဲ ဖွယ်ကောင်း လဲဆိုတာကိုတော့ တမင်သက်သက် မေ့ဖျောက် ထားခဲ့ရင်းပေါ့လေ။

၇။
“ဟဲ့ နွယ်၊ ကားပေါ်တက်တော့၊ ပြန်မယ်”

ရွှေစင်လှမ်းအော်တော့မှ ခပ်ဖွဲဖွဲ၊ ခပ်ကျဲကျဲကျနေတဲ့ မိုးစက်တွေကို လက်ဖ၀ါးနဲ့ အသာလေး ခံယူကြည့်နေမိတယ်။ မိုးရွာ နေခဲ့ပြီပေါ့လေ။
“ပြန်မယ်၊ ဘယ်ကိုလဲ ရွှေစင်”

“နင်တော့ သန်ဘက်ခါအတွက် တုန်လှုပ်နေပြီ ထင်တယ်။ ရန်ကုန်လေ၊ ဘယ်ပြန်ရမှာလဲ”

ဆလွန်းကား တံခါးကို ရွှေစင် ဆွဲဖွင့်ပေးလိုက်တော့မှ ထိုင်ရမယ်ဆိုတဲ့ အသိ ၀င်လာခဲ့တယ်။ သန်ဘက်ခါမှာ ကျွန်မတို့ကို စစ်ဆေးမယ့် စာမေးပွဲကြီး စတင်တော့မယ်ဆိုတဲ့အသိကြောင့် နွမ်းလျသွားရတယ်လေ။ အသပြာ ဆရာဝန်လို့ ယိုးစွပ်ခံခဲ့ရတဲ့ စကားဟာ လူနာရှင် တစ်ယောက်ရဲ့ပါးစပ် တစ်ပေါက်ထဲက ထွက်အန်လာတဲ့ အတွက် ဘုရားသခင်ကိုပဲ ကျေးဇူးတင်ရမလား။

ကျွန်မတို့ရဲ့ မဆုံးနိုင်တဲ့ ခရီးမှာ တတိယအရွယ်ကို ရောက်ပေမယ့်လည်း စာမေးပွဲတွေနဲ့ ကင်းကွာခွင့် မရခဲ့သေးဘူးလေ။ သန်ဘက်ခါ စာမေးပွဲကတော့ ကျွန်မတို့ အရည်အချင်းကို စစ်ပြီး ခမ်းနားတဲ့ဘွဲ့တစ်ခုတလေ ချီးမြှင့်မယ့်ပွဲမှ မဟုတ်လေဘဲ။ ဂုဏ်သိက္ခာ၊ အမည်နာမတွေနဲ့ ရင်းပြီး အနည်းငယ်အောင့်သီးအောင့်သက်နိုင်မယ့် မေးခွန်းမျိုးတွေကို ရင်မနာမိအောင် သတိ ထားရင်း ဖြေရမယ့်ပွဲပါ။

အမျိုးသမီး ဆာဂျင်ဘ၀ကို ပိုင်ဆိုင်ခွင့်ရဖို့ ကြိုးစား ထုဆစ်ခဲ့ဖူးတဲ့ နေ့ရက်တွေ၊ အိတ်စိုက် မေတ္တာတွေ၊ သေအံ့နီးနီးဖားတွေကို ပလိုင်းပေါက် နဲ့ ကောက်ဖို့ ကြိုးစားခဲ့ရတာ တွေကို ပစ္စုပ္ပန်အတွက် ခုံရုံးတဲ့လား။ ခုနစ်နှစ်တိုင် သင်ကြား တတ်မြောက်ဖူးခဲ့တဲ့ ဆေးပညာ အတွက် ချီးမြှင့်လိုက်တဲ့ ဘွဲ့ဟာ ဟစ်ပိုကရေးတီးစ် OATH ကို ချိုးဖောက်သူလို့ ယိုးစွပ် ခံရလောက်အောင်ထိ နာကျင်စေခဲ့ မှန်းသိရင် အဲဒီ အခမ်းအနား ကတည်းက ကျွန်မ လက်တွေကို ရိုက်ချိုးခဲ့ဖို့ ကောင်းရဲ့။
ဟော။ မိုးက ကျဲရာက စိပ်စပြုပြီ။ ပြန်ဖို့ ဒွိဟ ဖြစ်နေတုန်းပဲ။ ရွှေစင်ရဲ့ ကားစက်နှိုးသံ ကြောင့် လက်ဖ၀ါးတွေရဲ့အေးစက်မှုက ခန္ဓာဆီ ကူးစက်သွားတယ်။ သာယာဝတီ ဆေးရုံကြီးဆိုတဲ့ စာတန်းကို လှမ်းကြည့်လိုက်တော့ အနည်းငယ်ေ၀၀ါးနေတယ်။ ကားဘီးက လိမ့်စပြုပြီ။

ကျွန်မနဲ့ ရွှေစင်တစ်ယောက် သာယာဝတီ မှာ ဒုတိယအိမ်ကို ငါးနှစ်ကြာ တည်ထောင်ဖူး တယ်၊ နောက်ပိုင်းမှာ ကျွန်မကတော့ အခြားမြို့ ကြီးတစ်မြို့ဆီ တာဝန်ကျချိန် ရွှေစင်ကတော့ ပုသိမ်ဆေးရုံကြီးမှာ တတိယအိမ်ကိုထူထောင်ဖို့ ကြိုးစားကြတယ်။ ရန်ကုန်ပြန်ရောက်လာချိန်မှာတော့ မီးခိုးရင့်ရောင်လို့ ယဉ်ကျေးစွာသုံးနှုန်းခံ ရတဲ့ ဆံပင်ဖြူတွေ ကျိုးကျဲပေါက်နေခဲ့ကြပြီ။ ရွှေစင်တစ်ယောက် အပျိုကြီး ဖြစ်နေဆဲမှာ ကျွန်မ သမီးနှစ်ယောက်ကလည်း သူတို့ယုံကြည်ရာ တက္ကသိုလ်ဆီမှာ သင်ယူနိုင်ကြပြီ။

သမီးတွေက ရန်ကုန် ဆေးရုံကြီးကို တာဝန် ကျတာ ဘာမှမကြာသေးခင် တရားစွဲခံလိုက်ရတဲ့ အမေအတွက် ရှက်နေမလား၊ ခံရခက်နေမလား၊ အနည်းငယ်ယူ ကျုံးမရဖြစ်နေမလား။ ကျွန်မနဲ့ ရွှေစင်ရဲ့ သွေးရူးသွေးတန်းနိုင်စွာ လွန်ခဲ့တဲ့ ဆယ့်လေးနှစ်ကို တစ်ခဏ ပြေးမြင်ယောင်ဖို့ ကားဘီးလိမ့်ရာနောက် လိုက်ခဲ့ကြတာကိုပဲ အပြစ်တင် ကြလေမလား။

ခုချိန်မှာတော့ ကျွန်မတို့ ပြန်မြင်ယောင်ဖို့ ကြိုးစားမိတဲ့ သာယာဝတီမြို့ကြီးတောင် သူစိမ်း ဆန်နေခဲ့ပြီလေ။ အရင်က ဆန်သိုလှောင်ရုံတွေ၊ စားသောက် ဆိုင်တွေရဲ့နေရာမှာ ဆိုင်ခန်းကိုယ်စီ နဲ့ အစားထိုးလိုက်ကြပြီ။ အိမ်ခြေတွေ စိပ်လာခဲ့ သလို စံချိန်စံညွှန်းတွေ၊ ပေတံတွေ ပြောင်းလဲ လာကြပြီ။

၈။
လေရှိန်ကိုမြှင့်လိုက်လို့ ကားအဲကွန်းရဲ့ အအေးဓာတ်ဟာ ခန္ဓာထဲ ပိုလို့ စိမ့်ဝင်သွားတယ်။ မိုးက ပိုသည်းလာတိုင်း ယိမ်းကနေတဲ့ ၀ိုက်ပါ တစ်စုံဟာ အလုအယက်နဲ့ မိုးစက်တွေကို သုတ်သင်နေလေရဲ့။ တမင်သက်သက်နဲ့ပဲ ကြွေလုလု ထန်းသီး အပေါ် ခြေစုံပစ်ဝင်နင်းမိတဲ့ ကျီးတွေအကြောင်း မသိကျိုးကျွန်ပြုရင်း ဇာတ်ကို တစ်ခန်းရပ်ရဦး မယ်။ ဘ၀ဇာတ်ခုံပေါ်မှာ နောက်ထပ်အခန်း ဆက်တွေကို ဘယ်ကြမ္မာဆိုးတွေက ဒက်ဖနေး ရှင်းဖွင့်ဆို ရှင်းလင်းပြဦးမလဲ။ နောက်ထပ် နောက်ထပ် အချင်ယောင် ဆောင်ဦးမယ့် ကျီးအတွေအတွက် ထန်းသီး ဘယ်နှလုံးက ကြွေပြကြဦးမလဲ။ ခုံရုံးဘယ်နှခုက လှပသေသပ်တဲ့ စွဲချက်တွေနဲ့ တုပ်နှောင်ပြဦး မလဲ။ ကိုယ်ကျင့်တရားနဲ့ လိပ်ပြာကို အဖန်ဖန် သတိရနေဖို့တော့ ကျွန်မ ကြိုးစားရဦးမှာပါ။

၉။
သိပ်မခမ်းနားတဲ့ ပုံပြင်တစ်ပုဒ်ကို နာကျင်စွာ သတိရနေဖို့ သိပ်မညင်သာတဲ့ ရိုက်ချက်တွေနဲ့ မိုးက သည်းနေတုန်းပဲလေ။ ခပ်ဝေးဝေးဆီက ကျီးကန်းတစ်ကောင်ရဲ့ သံရှည်ဆွဲ အော်မြည်သံ။ မိုးသံတွေကြားက ခပ်သဲ့သဲ့လေးရယ်။ ကြားလိုက်မိသလားလို့ပါ။ သေချာတာပေါ့။ အဲဒီကျီးကန်းက နောင်တ မရတတ်သေး ဘူးလေ။ ဟစ်ပိုကရေးတီးစ် ကျမ်းကျိန်စာမှာ “ကျွန်ုပ် သည် ဂီလာနထန်းသီးများအတွက် ခြေစုံပစ်နင်း မည့် ကျီးအ အဖြစ် ကိုယ့်ကိုယ်ကို ထုဆစ်ပါ မည်” လို့များ ထည့်သွင်းခဲ့သလား။ အင်းလေ။ တစ်နေ့နေ့မှာတော့ ရာစုတစ်ခုရဲ့ ပြဋ္ဌာန်းစာမှာ ထည့်သွင်းနိုင်ကောင်းရဲ့။
ပစ္စုပ္ပန်မှာတော့ သန်ဘက်ခါ အတွက် ဆို့နင့် နေကြတဲ့ ကျီးအတစ်သိုက်ရဲ့ ရင်ဘတ်တွေမှာ မိုးသံတွေ ခက်ထန်နေတုန်းပဲ။
လင်းစက်နွယ်

2 comments:

  1. ဝတ္ထုဖတ်ပြီး ရင်မောသက်မချသွားရတယ်

    ReplyDelete
  2. ရေးဖွဲ့တင်ပြသွားပုံလေးတွေ အချိတ်အဆက်မိလိုက်တာ.
    တကယ့်ကို ရင်မောသွားရတဲ့ ဇာတ်လမ်းလေးပါပဲဗျာ...
    အားပေးနေပါတယ် မလင်းစက်နွယ်...

    Y.

    ReplyDelete